ភ្នំពេញ៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក នៅព្រឹកថ្ងៃទី៨ ខែកុម្ភៈ ឆ្នាំ២០២៣នេះ បានផ្ញើសារចូលរួម​រំលែក​មរណទុក្ខជាមួយក្រុមគ្រួសារ ដែលបានស្លាប់ដោយសារគ្រោះរញ្ជួយ​ដីនៅប្រទេសតួកគី និងស៊ីរី ដែលបានបណ្តាលឲ្យមនុស្សស្លាប់រាប់ពាន់នាកក់ កាលពីកន្លងទៅថ្មីៗនេះ។

តាមរយៈផេកហ្វេសបុកផ្ទាល់នាថ្ងៃទី៨ ខែកុម្ភៈនេះ ឧត្តមសេនីយ៍ឯក ហ៊ុន ម៉ាណែត បានលើក ឡើងថា «សូមចូលរួមសោកស្ដាយជាមួយប្រជាជនតួកគី និងស៊ីរី ចំពោះគ្រោះមហន្តរាយរញ្ជួយដី​ធ្ងន់ធ្ងរ ដែលបានសម្លាប់ជីវិតមនុស្ស បង្ករឱ្យមានរបួស និងបាត់ខ្លួនជាច្រើននាក់ ព្រមទាំងបាន​បំផ្លិចបំផ្លាញហេដ្ឋារចនាសម្ព័ន្ធ ទ្រព្យសម្បត្តិឯកជនយ៉ាងដំណំ។សូមចូលរួមរំលែកមរណទុក្ខជាមួយគ្រួសារអ្នកដែលបានស្លាប់ ព្រមទាំងបួងសួងឱ្យបេសកកម្មជួយ​សង្គ្រោះទទួលបានជោគជ័យ»។

សូមបញ្ជាក់ថា កាលពីថ្ងៃ៦ ខែកុម្ភៈ ឆ្នាំ២០២៣កន្លងទៅថ្មីៗ មានករណីរញ្ជួយដីកម្រិត ៧.៨រ៉ិចទ័រ​នៅប្រទេសតួកគី និងស៊ីរី ដោយរហូតមកដល់ពេលនេះត្រូវបានព័ត៌មាន​ចុះផ្សាយថាអ្នកស្លាប់​ដោយសារតែរញ្ជួយដីនេះ មានជាង៧.៨០០នាក់ហើយ ខណៈរកឃើញអ្នករងរបួសរាប់ម៉ឺននាក់ ហើយអគារជាច្រើនត្រូវ បានបែកបាក់៕អត្ថបទបាន ចក់