អន្ដរជាតិ៖ ក្រុមជួយសង្រ្គោះនៅប្រទេសទួរគី និងប្រទេសស៊ីរី បានបន្ត​ប្រតិបត្តិការរុករករបស់ពួកគេ ដើម្បីស្វែងរកអ្នករស់រាននៅ​ក្រោមគំនរបាក់បែកអគារ ខណៈចំនួនមនុស្សស្លាប់ដោយសារការរញ្ជួយដីកើនឡើងជាង ៩.៥០០នាក់។ នៅថ្ងៃពុធនេះ ក្រុមជួយសង្រ្គោះ បន្តទាញមនុស្សចេញពីក្រោមគំនរបាក់បែក រយៈពេល ៤៨ម៉ោង​ក្រោយ​ការរញ្ជួយ​ដី​កម្រិត ៧.៨រ៉ិចទ័រ។ រូបភាពវីដេអូឃ្លីបឃើញក្រុមជួយសង្រ្គោះ​ បានរកឃើញកុមារ​នៅទូទាំងតំបន់។ កាលពីថ្ងៃអង្គារម្សិលមិញទារក​ទើប​កើតម្នាក់ត្រូវបានជួយសង្រ្គោះ ក្រោយនៅជាប់ម្តាយស្លាប់របស់គេអស់រយៈពេល ២ថ្ងៃ៕