អន្ដរជាតិ៖ ក្រុមសាធារណរដ្ឋ បានព្យាយាមម្តងហើយម្តងទៀតដើម្បីរំខានលោកប្រធានាធិបតី Joe Biden​អំឡុង​ថ្លែងសុន្ទរកថា​ប្រចាំឆ្នាំ State of the Unionរបស់លោកកាលពីយប់ថ្ងៃអង្គារ ដោយពួកគេពុំបានស្តាប់តាមការណែនាំឲ្យស្ងាត់ពីប្រធានសភា​លោក Kevin McCarthy នោះទេ។ អំឡុងការថ្លែងសុន្ទរកថានេះ ក្រុមសាធារណរដ្ឋ បានស្រែករំខានលោក Biden តវ៉ានឹងវិធីដោះស្រាយ​របស់​លោក​ចាប់ពីបញ្ហាអន្តោប្រវេសន៍ សន្តិសុខសង្គម ការចំណាយថ្លៃថែទាំសុខភាព និងកម្រិតបំណុល។

លោក Biden​បានងាកមើលអ្នករំខានទាំងនោះដែលរួមទាំងលោក McCarthy ពេលលោកនិយាយពីកម្រិតបំណុល និង​បំណុល​ជាតិ ជាមួយនឹងការចំណាយលើថ្លៃសន្តិសុខសង្គម និងថ្លៃថែទាំសុខភាព៕