អន្ដរជាតិ៖ យោងតាមការអះអាងរបស់ក្រុមអ្នកជំនាញ បានឲ្យដឹងថា ទាហានរុស្ស៊ី​ ២៧ម៉ឺននាក់ បានស្លាប់រងរបួស​ ឬ​បាត់ខ្លួន​ អំឡុងសង្រ្គាមរយៈពេល ១១ខែដំបូងនៅក្នុងប្រទេសអ៊ុយក្រែន។

កាលពីសប្តាហ៍មុន កាសែត New York Times រាយការណ៍ថា ក្រុមមន្រ្តីសហរដ្ឋអាមេរិក ប៉ាន់ប្រមាណថា ទាហាន​រុស្ស៊ី ២០ម៉ឺននាក់ បានស្លាប់ ឬរងរបួស ប៉ុន្តែ​ អ្នកវិភាគ​នៅក្រុមចារកម្មជម្លោះ(CIT) មានជំនឿថា រុស្ស៊ី​អាចនឹងបាត់បង់​ទាហាន​​​រហូត​ដល់ ២៧ម៉ឺននាក់។

ក្រុម CITបានវាយតម្លៃលើសេចក្តីរាយការណ៍របស់សារព័ត៌មាន ពិសេសការវិភាគរបស់ BBC​លើការស្លាប់​របស់​ទាហាន​​រុស្ស៊ី និង​បានសន្និដ្ឋានថា គ្រួសារសាច់ញាតិរុស្ស៊ី បានបញ្ចុះសាកសពទាហាន ៣៣.០០០នាក់ ចាប់តាំងពីខែកុម្ភៈ ឆ្នាំ២០២២៕