អន្ដរជាតិ៖ ប្រធានាធិបតីរុស្ស៊ី លោក Vladimir Putin បានគំរាមឆ្លើយតបខាងនយោបាយ និងយោធា ប្រសិនបើ​អង់គ្លេស​ហ៊ាន​ផ្គត់ផ្គង់យន្តហោះចម្បាំងដល់អ៊ុយក្រែន ធ្វើសង្រ្គាមជាមួយកម្លាំងរបស់លោក។

កាលពីថ្ងៃពុធម្សិលមិញ ប្រធានាធិបតីអ៊ុយក្រែន លោក Volodymyr Zelensky បានបំពេញទស្សកិច្ចជាលើកដំបូង​ទៅកាន់ចក្រភពអង់គ្លេស ចាប់តាំងពីសង្រ្គាមផ្ទុះឡើងកាលពីឆ្នាំមុន ហើយ​លោកបានធ្វើការព្រមានថា សង្រ្គាម​អាចនឹងនៅ​ទ្រឹង បើសិនជាគ្មានយន្តហោះចម្បាំងពីលោកខាងលិចទេនោះ។ ទីក្រុងម៉ូស្គូ បានគំរាមឆ្លើយតប បើសិនជារដ្ឋាភិបាលអង់គ្លេសពិតជាផ្តល់យន្តហោះដល់អ៊ុយក្រែន ស្របពេល​ដែលរដ្ឋមួយចំនួនរបស់អង្គការណាតូ បង្ហាញក្តីកង្វល់ពីការបង្កទៅជាការប៉ះទង្គិចគ្នាដោយផ្ទាល់៕