អន្ដរជាតិ៖ លោកប្រធានាធិបតី Joe Biden ដែលរងការរិះគន់ពីក្រុមតំណាងរាស្រ្តមួយចំនួន និយាយ​កាលពីថ្ងៃព្រហស្បតិ៍ថា លោក​មិនយល់ឃើញថា បាឡុងចារកម្មចិន បានបំពានយ៉ាងធ្ងន់ធ្ងរលើសន្តិសុខជាតិសហរដ្ឋអាមេរិកនោះទេ មុនពេលវាត្រូវ​បាញ់ទម្លាក់នៅមហាសមុទ្រអាត្លង់ទិក។

លោក Biden​ ដែលនៅតែព្យាយាមរក្សាទំនាក់ទំនងជាមួយចិន និងមិនបណ្តោយឲ្យភាពតានតឹងលែងអាចគ្រប់​គ្រង​បានជាមួយទីក្រុងប៉េកាំងនោះ និយាយថា លោក​មិនសោកស្តាយនោះទេចំពោះការបាញ់ទម្លាក់បាឡុងឲ្យបានលឿនជា​ង​នេះ។ លោកថា វាមិនមែនជាការបំពានយ៉ាងធ្ងន់ធ្ងរនោះទេ។ ខ្ញុំចង់មានន័យថា វាគឺជាការបំពានច្បាប់អន្តរជាតិ ដែន​អាកាស​របស់ពួកយើង ហើយពេលដែលវាហោះចូលដែនអាកាសរបស់ពួកយើង យើងអាចធ្វើអ្វីដែលពួកយើងចង់ធ្វើ៕