អន្ដរជាតិ: ក្រុមអ្នកជួយសង្គ្រោះនៅក្នុងប្រទេសទួរគី និងស៊ីរី មិនបោះបង់ចោលការងារនោះទេ បន្ទាប់ពីរយៈពេល ៦ថ្ងៃ នៃការរញ្ជួយដី ដែលបានបំផ្លាញទីក្រុង និងទីប្រជុំជននានានៅតាមព្រំដែន។

មនុស្សជិត ២៤.០០០នាក់ ត្រូវបានបញ្ជាក់ថាស្លាប់ ខណៈរាប់លាននាក់កំពុងត្រូវការជំនួយបន្ទាន់។ ក្រុមអ្នកស្ម័គ្រចិត្ត ដែលបានធ្វើដំណើរមកពីជុំវិញប្រទេសទួរគីកំពុងផ្តល់អាហារ ដើម្បីជួយអ្នកដែលបាត់បង់លំនៅឋានដោយសារការរញ្ជួយដីនៅសប្តាហ៍នេះ។

ដោយព្យាយាមស្វែងរកមធ្យោបាយដើម្បីជួយ បេសកកម្មរបស់ប្រទេសទួរគីប្រចាំអង្គការសហប្រជាជាតិ បានរៀបចំជំនួយកាលពីថ្ងៃសុក្រ សម្រាប់ជនរងគ្រោះដោយរញ្ជួយដី។ ក្រុមអ្នកជួយផ្តល់ជំនួយ ត្រូវបានគេឃើញរៀបចំនិងដឹកជញ្ជូនសម្លៀកបំពាក់និងរបស់របរផ្សេងទៀតមកកាន់ប្រជាជនរងគ្រោះ។