ក្រសួងការពារជាតិរុស្ស៊ីបាននិយាយកាលពីថ្ងៃសៅរ៍ថា រុស្ស៊ីបានធ្វើការវាយប្រហារ​ទ្រង់ទ្រាយធំមួយ​ទៅលើ​ហេដ្ឋារចនាសម្ព័ន្ធ​សំខាន់ៗ​ដែលជាប់ទាក់ទងនឹងឧស្សាហកម្មយោធារបស់អ៊ុយក្រែន។

នៅក្នុងការធ្វើបច្ចុបន្នភាពប្រចាំថ្ងៃ ក្រសួងការពារជាតិ​មិនផ្ដល់​នូវ​មុខ​សញ្ញា​ហេដ្ឋារចនា​សម្ព័ន្ធ​ថាមពល​ណា​មួយ​ដែល​ខ្លួន​បានវាយប្រហារចំនោះទេ។

រុស្ស៊ីបាននិយាយថា ការវាយប្រហារនេះ បានរារាំងការដឹកជញ្ជូនអាវុធ និងគ្រាប់រំសេវបរទេសតាមផ្លូវដែកទៅ​សមរភូមិ​នានា​នៅក្នុងប្រទេសអ៊ុយក្រែន។

កងទ័ពអ៊ុយក្រែនបាននិយាយកាលពីថ្ងៃសុក្រថា កងទ័ពរុស្ស៊ីបានបាញ់កាំជ្រួចជាង ១០០ដើម និង​ការ​វាយប្រហារ​ពី​លើអាកាស ចំនួន១២លើក ហើយនឹងការវាយប្រហារដោយ​គ្រាប់កាំភ្លើងផ្លោងចំនួន ២០លើក។

អ៊ុយក្រែននិយាយថា កាំជ្រួចរបស់រុស្ស៊ីចំនួន៦១ដើមត្រូវបាញ់កំទេច។

រដ្ឋមន្រ្ដីក្រសួងថាមពលអ៊ុយក្រែនលោក​ ជើម៉ាន់ ហ្គាលូឆិនកូ បាននិយាយថា រុស្ស៊ីបាន​វាយប្រហារហេដ្ឋា​រចនាសម្ព័ន្ធ​ថាមពលនៅក្នុង៦តំបន់ជាមួយនឹងកាំជ្រួច និង​យន្ដហោះគ្មាន​មនុស្ស​បើក​ ឬដ្រូន​ដែល​បង្កអោយ​ដាច់​ភ្លើង​នៅ​ទូទាំងប្រទេស៕ អត្ថបទ៖ មករា