សៀមរាប៖ ឯកឧត្តម Frank Walter Steinmeier ប្រធានាធិបតី នៃសាធារណរដ្ឋសហព័ន្ធអាល្លឺម៉ង់ និងលោកជំទាវ បានចាប់ផ្តើមទស្សនកិច្ចផ្លូវការនៅកម្ពុជា នៅព្រឹកថ្ងៃទី១៤ ខែកុម្ភៈ ឆ្នាំ២០២៣នេះ។ 

យន្តហោះពិសេសរបស់គណៈប្រតិភូសហព័ន្ធអាល្លឺម៉ង់ បានចុះថតនៅព្រលានយន្តហោះអន្តរជាតិសៀមរាប ដោយមានការទទួលរាក់ទាក់យ៉ាងកក់ក្តៅបំផុតពីឯកឧត្តម សាយ សំអាល់ តំណាងឲ្យរាជរដ្ឋាភិបាលកម្ពុជា និងឯកឧត្តម ទៀ សីហា អភិបាលខេត្តសៀមរាប។ 

តាមគម្រោងឯកឧត្ដមប្រធានាធិបតី និងលោកជំទាវ នឹងអញ្ជើញទៅ ទស្សនកិច្ចនៅសណ្ឋាគារចម្ការមីន ដើម្បីស្វែងយល់អំពីរបៀបរុករកមីនមិនទាន់ផ្ទុះ និងបំផ្ទុះមីន របស់អង្គ ការ ហាឡូត្រាស់ ។

ឯកឧត្ដម នឹងចំណាយពេលពេញមួយថ្ងៃនៅក្នុងខេត្តសៀមរាប ដើម្បីធ្វើដំណើរទស្សនាប្រាង្គប្រា សាទនានានៅក្នុងតំបន់អង្គរ ពិសេសប្រាសាទអង្គរវត្ត បាយ័ន និងប្រាសាទតាព្រហ្ម ។

ដំណើរទស្សនកិច្ចជាប្រវត្តិសាស្ត្រនេះ របស់ប្រធានាធិបតីអាល្លឺម៉ង់ នឹងបើកទំព័រមាសក្នុងប្រវត្តិ សាស្ត្រ នៃទំនាក់ទំនងជាប្រពៃណី ក៏ដូចជាមិត្តភាព ព្រមទាំងកិច្ចសហប្រតិបត្តិការដ៏ល្អប្រសើរ រវាងប្រ ទេសទាំងពីរ និងពង្រឹងបន្ថែមនូវចំណងទាក់ទង និងកិច្ចសហប្រតិបត្តិការដ៏ល្អ ដែលមានស្រាប់ សម្រាប់ ជាផលប្រយោជន៍ទៅវិញទៅមករបស់ប្រជាជននៃប្រទេសទាំងពីរ ៕