មីយ៉ាន់ម៉ា៖ រដ្ឋាភិបាលដួលរលំបានស្វាគមន៍ ការអំពាវនាវរបស់ក្រុមមេដឹកនាំអាស៊ាន ឲ្យបញ្ចប់អំពើហិង្សារបស់យោធាមកលើក្រុមបាតុករ ក្រោយកិច្ចប្រជុំវិបត្តិរបស់ពួកគេនៅក្នុងរដ្ឋធានីហ្សាកាតា ប្រទេសឥណ្ឌូនេស៊ី ជាមួយមេដឹកនាំរបបសឹកយោធាលោកឧត្តមសេនីយ៍ មីន អ៊ុងលាំង។
កាលពីថ្ងៃសៅរ៍កន្លងទៅ ឧត្តមសេនីយ៍រូបនេះបានចូលរួមកិច្ចប្រជុំកំពូលជាន់ខ្ពស់ ជាមួយក្រុមមេដឹកនាំសមាគមជាតិអាស៊ីអាគ្នេយ៍ (អាស៊ាន) ដើម្បីពិភាក្សាលើវិបត្តិនយោបាយនៅសហភាពមីយ៉ាន់ម៉ា។ ចាប់តាំងពីយោធាបានផ្តួលរំលំមេដឹកនាំរដ្ឋាភិបាលស៊ីវិល លោកស្រី អ៊ុងសាន ស៊ូជី ដោយការធ្វើរដ្ឋប្រហារកាលពីថ្ងៃទី០១ ខែកុម្ភៈកន្លងទៅ សហភាពមីយ៉ាន់ម៉ាបានស្ថិតនៅក្នុងស្ថានភាពច្របូកច្របល់ ជាមួយនឹងការធ្វើបាតុកម្មស្ទើរតែរាល់ថ្ងៃ និងការធ្វើពហិការមិនធ្វើការងារនៅទូទាំងប្រទេស គ្រប់វិស័យសង្គមទាំងអស់ដើម្បីទាមទារឲ្យវិលត្រឡប់ មករកលទ្ធិប្រជាធិបតេយ្យវិញ។
សមាគមជួយអ្នកទោសនយោបាយ ដែលជាក្រុមឃ្លាំមើលក្នុងស្រុកបានឲ្យដឹងថា កងកម្លាំងសន្តិសុខបានបាញ់គ្រាប់កាំភ្លើងពិតដើម្បីបំបែកក្រុមបះបោរ ដោយបានសម្លាប់មនុស្សជាង ៧៤០នាក់នៅក្នុងវិធានការបង្ក្រាបដ៏ឃោរឃៅរបស់ពួកគេ។ ដោយឡែកជំនួបអាស៊ានបានផ្តល់មតិរួមថា ត្រូវតែបញ្ឈប់អំពើហិង្សាជាបន្ទាន់នៅសហភាពមីយ៉ាន់ម៉ា៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
