កំពង់ធំ៖ នៅព្រឹកថ្ងៃទី១៥ ខែកុម្ភៈ ឆ្នាំ២០២៣ លោក ពេញ កែម អភិបាលក្រុង ដឹកនាំសហការី សហការជាមួយក្រុមហ៊ុនបុរីសុខសាន្ត ៨៨៨ ជួលជុលផ្លូវភ្ជាប់ពីផ្លូវជាតិលេខ៦ ទៅកាន់ភូមិរលួស សង្កាត់ស្រយ៉ូវ ក្រុងស្ទឹងសែន ប្រវែងជាង៤៦០០ម៉ែត្រ។

ក្នុងនោះដែរ លោកអភិបាលក្រុង បានលើកឡើងថា ការជួលជុលនេះ ដោយឃើញពីភាពលំបាក​របស់​ប្រជាពលរដ្ឋក្នុងការធ្វើដំណើរទៅមក ក្រោយពីការខូចខាតដោយសារទឹកជំនន់ នាឆ្នាំកន្លងទៅ។ ចំពោះការជួសជុលនេះ គឺរៀបចំកែលម្អបណ្តោះអាសន្ន ប៉ុន្តែផែនការបន្ទាប់ទៀត ឯកឧត្តម អភិបាលខេត្ត នឹងគ្រោងរៀបចំធ្វើផ្លូវនេះឡើងវិញ នៅពេលខាងមុខផងដែរ។