កណ្ដាល៖ ការបរិច្ចាគឈាមដោយស្ម័គ្រចិត្តក្នុងគោលបំណង "ផ្តល់ឈាម ផ្តល់ក្តីស្រលាញ់" គឺដើម្បីជួយសង្គ្រោះ ដល់ប្រជាពលរដ្ឋ ដែលកំពុងតែត្រូវការឈាមជាចាំបាច់ក្នុងការ​សង្គ្រោះ​អាយុជីវិតរបស់ប្រជាពលរដ្ឋនៅទូទាំងប្រទេស ។

ឯកឧត្តម គង់ សោភ័ណ្ឌ ប្រធានសហភាពសហព័ន្ធយុវជនកម្ពុជាខេត្តកណ្ដាល​ ខេត្តកណ្ដាល បានដឹកនាំយុទ្ធនាការបរិច្ចាគឈាមដោយស្ម័គ្រចិត្ត ​កាលពីថ្ងៃទី១៤ ខែកុម្ភៈ ម្សិលមិញ នៅមន្ទីរពេទ្យបង្អែកជ័យជម្នះ ក្រុងតាខ្មៅ ខេត្តកណ្ដាល ​ក្នុងថ្ងៃនៃក្ដីស្រឡាញ់ ។

ឯកឧត្តម គង់ សោភ័ណ្ឌ ​បានលើកឡើងថា ​ឈាមមានសារសំខាន់ណាស់ សម្រាប់ជួយសង្គ្រោះជី វិតមនុស្ស ដូចនេះ ​ប្រជាពលរដ្ឋគួរចូលរួមដោយស្ម័គចិត្ត ​បរិច្ចាគឈាម ​ដើម្បីសង្គ្រោះអាយុជីវិត។

ក្នុងឱកាសចូលរួមបរិច្ចាគឈាមដោយស្ម័គ្រចិត្ត ​នាថ្ងៃនៃសេចក្ដីស្រឡាញ់ ១៤ កុម្ភៈ យុវជនសហ ភាព​សហព័ន្ធយុវជនកម្ពុជា រួមទាំងព្រះសង្ឃ ​បានយល់អំពីសារសំខាន់នៃការផ្ដល់ឈាម សម្រាប់​ជនរងគ្រោះ ដែលកំពុងខ្វះខាត ​និងត្រូវការឈាមជាចាំបាច់ ។

ឯកឧត្ដម គង់ សោភ័ណ្ឌ បានបញ្ជាក់ថា សម្រាប់ថ្ងៃនៃសេចក្ដីស្រឡាញ់ ១៤កុម្ភៈ ឆ្នាំក្រោយ នឹង មានការផ្តល់ឈាមទៀតដោយស្ម័គ្រចិត្ត ៕អត្ថបទ៖ សៅ យ៉ាម៉ង់