អ៊ុយក្រែន៖ ភាពតានតឹងកំពុងកើនឡើងខ្លាំងនៅព្រំដែនរវាងប្រទេសអ៊ុយក្រែន និងបេឡារុសជាសម្ព័ន្ធមិត្តរបស់រុស្ស៊ី ខណៈក្រុមមន្ត្រីនៅក្នុងទីក្រុង Kyiv បានព្រមានពីការវាយលុកថ្មីរបស់រុស្ស៊ីនៅរដូវផ្ការីក ស្របពេលកងកម្លាំងវិមានក្រឹមឡាំងបង្កើនការវាយប្រហារខ្លាំងលើកងទ័ពអ៊ុយក្រែន។
ក្នុងការចូលទៅដល់ដ៏កម្រចាប់តាំងពីការវាយលុករបស់អ៊ុយក្រែនកាលពីឆ្នាំមុន ក្រុមការងាររបស់ទូរទស្សន៍ CNN បានទៅដល់ព្រំដែនភាគនិរតីរបស់ប្រទេសបេឡារុស ជិតភាគពាយ័ព្យរបស់អ៊ុយក្រែនដែលត្រូវបានអមដំណើរដោយក្រុមមន្ត្រីព្រំដែនរដ្ឋ។ អ៊ុយក្រែនមានព្រំដែនជាប់គ្នាចម្ងាយ ១.០០០គីឡូម៉ែត្រជាមួយបេឡារុស ជាប្រទេសមួយដែលបានដើរតួយ៉ាងសំខាន់ក្នុងការជួយដល់ការវាយប្រហាររបស់រុស្ស៊ីលើអ៊ុយក្រែន។
លោក ហ្វ្រេ ឌឺរីក ផ្លេតហ្គិន (Frederik Pleitgen) និងក្រុមការងាររបស់លោកបានស្ថិតនៅចម្ងាយ ១០០ម៉ែត្រពីព្រំដែនភាគីអ៊ុយក្រែន ជាទីដែលពួកគេបានឃើញបន្ទាយនៃតំបន់ព្រំដែនរបស់រដ្ឋាភិបាលអ៊ុយក្រែន បំពាក់ដោយបន្លាលួសក្នុងការបង្កើនការត្រៀមលក្ខណៈយ៉ាងប្រុងប្រយ័ត្ន និងដំណើររបស់ក្រុមអ្នកសារព័ត៌មានដែលស្ថិតក្រោមការគ្រប់គ្រងយ៉ាងតឹងរ៉ឹង។ យោងតាមក្រុមអ្នកសារព័ត៌មាន CNN ដែលទៅដល់មូលដ្ឋាននោះ ព្រំដែនខាងភាគីអ៊ុយក្រែនត្រូវបានការពារយ៉ាងតឹងរ៉ឹងដោយមានបំពាក់បន្លាលួសជាច្រើនជាន់ ដើម្បីបញ្ឈប់ការឆ្លងកាត់ព្រំដែន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
