អន្តរជាតិ ៖  វីដេអូឃ្លីបដ៏កម្រពីការមុជទឹកកាលពីឆ្នាំ ១៩៨៦ ដែលថតបានលើកដំបូងនាវាលិច Titanic ​ត្រូវបានបញ្ចេញកាលពី​ថ្ងៃពុធ ។ វីដេអូឃ្លីបដែលថតបានដោយក្រុមមកពីគ្រឹះស្ថានមហាសមុទ្រ Woods Hole ឃើញ​នាវា Titanic ស្ថិតនៅលើ​បាតសមុទ្រ ក្រោយនាវាលិចអំឡុងដំណើរកម្សាន្តលើកដំបូងរបស់វា ។ កិច្ចខិតខំកំណត់ទីតាំងលិចនាវាកម្សាន្តដ៏ប្រណីតមួយនេះ បានចាប់ផ្តើម​ក្រោយវាលិច​កាលពីឆ្នាំ ១៩១២ ប៉ុន្តែ​ពួកគេពុំបានជោគ​ជ័យ​នោះឡើយ​រហូតដល់មានបច្ចេកវិទ្យាជឿនលឿនក្នុងសមុទ្រជ្រៅ នាំឲ្យរកឃើញនាវាក្នុងឆ្នាំ ១៩៨៥ ។ សូមបញ្ជាក់ថា នាវា Titanic បានធ្វើដំណើរចេញពីទីក្រុង Southampton ប្រទេសអង់គ្លេស ឆ្ពោះទៅកាន់ទីក្រុង​ New York សហរដ្ឋអាមេរិក ពេល​វាបុកផ្ទាំងទឹកកក និងបានលិចចូលទៅក្នុងបាតសមុទ្រ ។ នៅក្នុងចំណោមអ្នក​ដំណើរ​ ២.២២៣នាក់នៅលើ​នាវា អ្នកដំណើរ ១.៥១៧នាក់ បានស្លាប់ ៕