កំពង់ធំ៖ អាជ្ញាធរខេត្តកំពង់ធំ កំពុងរៀបចំតុបតែងភ្លើងបំភ្លឺសាធារណៈ នៅតាមទីកន្លែងសំខាន់ៗ និងតាមដងផ្លូវជាតិលេខ ៦ ក្នុងក្រុងស្ទឹងសែន​ដើម្បីបង្កើនសោភ័ណ្ឌភាពក្នុងពិធីបុណ្យទន្លេលើកទី៧។

កម្មវិធីបុណ្យទន្លេលើកទី៧ ក្រោមប្រធានបទ “ទន្លេរបស់យើងដើម្បីបច្ចុប្បន្ន និងអនាគត(Our River for Now and Next)” ដែលនឹងប្រព្រឹត្តទៅចាប់ពីថ្ងៃទី០៨ ដល់ថ្ងៃទី ១០ ខែមីនា ឆ្នាំ២០២៣ នៅបរិវេណសួនស្ទឹងសែន។ ទន្ទឹមនេះផងដែរ អាជ្ញាធរខេត្តកំពង់ រួមជាមួយមន្ទីរអង្គភាពពាក់ព័ន្ធ បាន និងកំពុងរៀបចំការកែលម្អរ សួនច្បារ និងតុបតែងភ្លើងលម្អនៅទីសាធារណៈ។ ចំពោះបងប្អូនប្រជាពលរដ្ឋទាំងអស់ ដែលរស់នៅក្នុង ក៏ត្រូវធ្វើការតុបតែភ្លើង តាមមុខផ្ទះ ឬនៅតាមដើមឈើឲ្យបានស្រស់ស្អាត ដើម្បីឲ្យប្រជាពលរដ្ឋ ក៏ដូចជា ភ្ញៀវទេសចរណ៍ជាតិ និងអន្តរជាតិ បានឃើញពីទិដ្ឋភាពដ៏ស្រស់ស្អាត ក្រៅពីការទស្សនាកំសាន្តក្នុងកម្ម វិធីផ្សេងៗផងដែរ។

កម្មវិធីបុណ្យទន្លេលើកទី៧ មានគោលបំណងជំរុញលើកតម្លៃ និងផ្សព្វផ្សាយសក្កានុពល ទេសចរណ៍ខេត្តតាមដងទន្លេ ជាពិសេសលើកទឹកចិត្តដល់ប្រជាជននៅតាមបណ្តាខេត្តទាំងអស់ ដែលនៅ តាមដងទន្លេ ឱ្យចូលរួមយ៉ាងសកម្មក្នុងការងារអភិវឌ្ឍទេសចរណ៍សហគមន៍។

ដើម្បីកម្មវិធីបុណ្យកាន់តែសប្បាយរីករាយ និងបានទស្សនាទិដ្ឋភាពស្អាតៗទាំងអស់ក្នុងកម្មវិធី, អាជ្ញាធរខេត្តកំពង់ធំ អំពាវនាវដល់ប្រជាពលរដ្ឋទាំងអស់ ដែលរស់នៅក្នុងក្រុងស្ទឹងសែន ជាពិសេសនៅតាម បណ្តោយផ្លូវជាតិ បង្កើនការតុបតែងភ្លើងតាមមុខកេហដ្ឋានរៀងៗខ្លួន ឲបានស្រស់ស្អាត ចំពោះប្រជាពលរដ្ឋ ដែលអាជីវកម្មត្រូវដាក់លក់ដោយមានរបៀបរៀបរយ តាមការណែនាំរបស់អាជ្ញាធរ ប្រកបដោយភាព ស្រស់ស្អាត និងទាក់ទងចំណាប់អារម្មណ៍ទាំងភ្លៀងទេសចរណ៍ជាតិ និងអន្តរជាតិ ដើម្បីក្លាយជាគោលដៅ ទេសចរណ៍នាពេលអនាគត។