រុស្ស៊ី ៖  ក្រសួងការពារជាតិរុស្ស៊ី និយាយថា អ៊ុយក្រែន បានប្រគល់ឈ្លើយសឹក ១០១នាក់ ពីដែនដីគ្រប់គ្រងដោយទីក្រុងគីវ បន្ទាប់ពីការជជែកពិភាក្សា ។   ពួកគេនិយាយថា យន្តហោះដឹកជញ្ជូនកងទ័ពអាកាសរុស្ស៊ី នឹងដឹក​ឈ្លើយសឹកត្រូវបានដោះលែងទាំងនេះ ទៅកាន់​ទីក្រុងម៉ូស្គូ សម្រាប់​ការព្យាបាលរបួស និងស្តារនីតិសម្បទានៅក្នុងស្ថាប័នវេជ្ជសាស្ត្រនៃក្រសួងការពារជាតិរុស្ស៊ី ។ វីដេអូដែលបានចុះផ្សាយដោយក្រសួងការពារជាតិរុស្ស៊ី ឃើញឈ្លើយសឹកឡើងជិះរថយន្តក្រុង និងបង្ហាញពីអារម្មណ៍​រំភើបរីករាយរបស់ពួកគេ ហើយនិងការទន្ទឹងរង់ចាំជួបជុំក្រុមគ្រួសារ​របស់ពួកគេ ៕