អន្ដរជាតិ៖ នៅថ្ងៃចន្ទនេះ រដ្ឋមន្រ្តីការបរទេសសហរដ្ឋអាមេរិកលោក Antony Blinken ជួបជាមួយសមភាគីទួរគី លោក Mevlut Cavusoglu ដើម្បីពិភាក្សាលើការផ្តល់ជំនួយដល់​ទីក្រុងអង់ការ៉ា ក្រោយការរញ្ជួយដីសម្លាប់មនុស្សរាប់ម៉ឺននាក់។ការរញ្ជួយដីកម្រិត ៧.៨រ៉ិចទ័រ អង្រួនតំបន់ភាគនិរតីទួរគី និងប្រទេសជិតខាងស៊ីរី កាលពីថ្ងៃទី០៦ ខែកុម្ភៈកន្លងទៅបាន​​សម្លាប់មនុស្សជាង ៤៦.៤០០នាក់ និងធ្វើ​ឲ្យមនុស្សជាង ១លាននាក់គ្មានផ្ទះសម្បែងរស់នៅ ហើយ​និងធ្វើឲ្យខាត​បង់​សេដ្ឋ​កិច្ច​រាប់ពាន់លានដុល្លារ៕