មីយ៉ាន់ម៉ា៖ ក្រុមអ្នកតវ៉ានៅទីក្រុងធំបំផុតរបស់មីយ៉ាន់ម៉ា បានចេញតវ៉ាយ៉ាងអង់អាចក្លាហានមិនខ្លាចការប្រឈម នឹងការប្រើប្រាស់អំពើហិង្សាពីកងកម្លាំងសន្តិសុខ កាលពីថ្ងៃច័ន្ទដើម្បីតវ៉ាប្រឆាំងនឹងរដ្ឋប្រហារយោធា រយៈពេលពីរថ្ងៃបន្ទាប់ពីកិច្ចប្រជុំកំពូលរបស់មេដឹកនាំអាស៊ីអាគ្នេយ៍ បានជួបប្រជុំគ្នាដើម្បីដោះស្រាយវិបត្តិដែលនៅតែបន្តក្នុងប្រទេសនេះ។
ក្រុមយុវជនភាគច្រើនបានសម្រុកទៅកាន់តាមដងផ្លូវ ក្នុងទីប្រជុំជនមួយក្នុងទីក្រុងយ៉ាងហ្គោនដោយកាន់បដា និងលើកម្រាមដៃបី ដែលជានិមិត្តរូបនៃការតស៊ូនឹងរបបសឹកនេះ។ ក្រុមបាតុករប្រឆាំងរដ្ឋប្រហារមីយ៉ាន់ម៉ាក៏បានចេញដើរក្បួន នៅទីក្រុងដាវ៉េផងដែរកាលពីថ្ងៃច័ន្ទ ដែលជាបាតុកម្មមួយក្នុងចំណោមបាតុកម្មជាច្រើននៅទូទាំងប្រទេស ដែលបង្ហាញពីការដោះស្រាយប្រឆាំងនឹងរបបយោធាកំពុងក្ដោបក្ដាប់អំណាចយ៉ាងណែន បន្ទាប់ពីកិច្ចប្រជុំកំពូលក្រុមមេដឹកនាំអាស៊ីអាគ្នេយ៍ ឬអាស៊ានកាលពីចុងសប្ដាហ៍មុន។ លទ្ធផលនៃកិច្ចប្រជុំពិសេស របស់មេដឹកនាំមកពីសមាគមប្រជាជាតិអាស៊ីអាគ្នេយ៍ (អាស៊ាន) នៅទីក្រុងហ្សាកាតាកាលពីថ្ងៃសៅរ៍បានបរាជ័យ ក្នុងការបំពេញចិត្តមនុស្សជាច្រើននៅក្នុងសហភាពមីយ៉ាន់ម៉ា ដែលបានខឹងសម្បារក្នុងចំណោមបញ្ហាផ្សេងទៀត និងការខកខានមិនបានទាមទារឱ្យមានការដោះលែងក្រុមអ្នកទោសនយោបាយ។
ពួកគេក៏មិនសប្បាយចិត្តដែរ ដែលមិនមានកន្លែងនៅលើតុតំណាងរបស់រដ្ឋាភិបាលស្រមោលរួបរួមជាតិ ដែលនិយាយថា មានតែរដ្ឋាភិបាលស្របច្បាប់តែមួយគត់។ យោងតាមសមាគមជំនួយឯករាជ្យ សម្រាប់ជួយអ្នកទោសនយោបាយឲ្យដឹងថា មនុស្ស ៧៥១នាក់ត្រូវបានសម្លាប់ដោយនគរបាល និងទាហានចាប់តាំងពីការធ្វើរដ្ឋប្រហារថ្ងៃទី១ ខែកុម្ភៈ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
