អាហ្វ្រិកខាងត្បូង ៖ នាវាមកពីប្រទេសចិន និងរុស្ស៊ី បានចូលចតនៅឈូងសមុទ្រ Richards ខណៈ ប្រទេសអាហ្វ្រិកខាងត្បូង ទទួលជាម្ចាស់ផ្ទះសមយុទ្ធកងទ័ពជើងទឹករួមគ្នា។ ប្រទេសមហាអំណាចពិភពលោក កំពុងប្រជែងគ្នាដណ្ដើមឥទ្ធិពលនៅក្នុងទ្វីបអាហ្វ្រិក ខណៈភាពតានតឹងពិភពលោកកាន់តែជ្រៅ ដែលបណ្ដាលមកពីសង្គ្រាមនៅអ៊ុយក្រែន និងសកម្មភាពរបស់ប្រទេសចិនកាន់តែកើនឡើងចំពោះកោះតៃវ៉ាន់ ជាកោះស្វ័យគ្រប់គ្រង។ ប្រទេសអាហ្វ្រិកខាងត្បូង ចាត់ទុកសមយុទ្ធនេះថា «ទម្លាប់»។ ប៉ុន្តែអ្នកការទូត មានមូលដ្ឋាននៅអាហ្វ្រិកខាងត្បូង៦រូប ដែលសុទ្ធតែមកពីប្រទេសសម្ព័ន្ធយោធាណាតូ ឬសហភាពអឺរ៉ុប និយាយថាពួកគេបានថ្កោលទោសសមយុទ្ធនេះ។ ប្រទេសអាហ្វ្រិកខាងត្បូង ដែលនិយាយថា ខ្លួនរក្សាជំហរអព្យាក្រឹតចំពោះអ៊ុយក្រែន បានបោះឆ្នោតអនុបវាទលើសេចក្ដីសម្រេចរបស់អង្គការសហប្រជាជាតិកាលពីឆ្នាំមុន ដែលថ្កោលទោសប្រទេសរុស្ស៊ី។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
