រុស្ស៊ី៖ លោកប្រធានាធិបតីរុស្ស៊ី Vladimir Putin បាននិយាយកាលពីថ្ងៃអង្គារ ទី២១កុម្ភៈថា បណ្ដាប្រទេសលោកខាងលិចបានដាក់ទណ្ឌកម្មលើរុស្ស៊ីដើម្បីធ្វើឲ្យពលរដ្ឋរុស្ស៊ីរងទុក្ខ ប៉ុន្តែពុំបានជោគជ័យក្នុងការផ្ដួលរំលំសេដ្ឋកិច្ចរបស់យើងឡើយ។
លោក Putin បាននិយាយនៅក្នុងសុន្ទរកថាតាមទូរទស្សន៍ថា អ្នកទាំងឡាយដែលបានផ្ដួចផ្ដើមការដាក់ទណ្ឌកម្មប្រឆាំងរុស្ស៊ី ប្រៀបបានការដាក់ទោសលើខ្លួនឯង ដែលបណ្ដាលឲ្យតម្លៃទំនិញបន្តហក់ឡើងខ្ពស់ បាត់បង់ការងារ បិទអាជីវកម្ម និងវិបត្តិថាមពលនៅក្នុងប្រទេសរបស់ពួកគេ។ ហើយយើងបានលឺថា ពួកគេបានប្រាប់ពលរដ្ឋខ្លួនឯងថា ត្រូវតែបន្ទោសរុស្ស៊ីដែលនាំឲ្យមានវិបត្តិទាំងនេះកើតឡើង។
សេវាស្ថិតិសហព័ន្ធ Rosstat របស់រុស្ស៊ីកាលពីថ្ងៃអង្គារបានប៉ាន់ប្រមាណថា ការធ្លាក់ផលិតផលក្នុងស្រុកសរុប ឬ GDP ឆ្នាំ២០២២ របស់ប្រទេសនេះមានត្រឹម ២.១% ប៉ុណ្ណោះ ខណៈធនាគារកណ្ដាលបានកំណត់ ២.៥% ដែលការព្យាករណ៍ទាំងនោះខុសដាច់ឆ្ងាយពីក្ដីបារម្ភរបស់ទីក្រុង Moscow កាលពីដំបូងថាអាចមានការធ្លាក់ចុះរហូតដល់ ២ខ្ទង់ ខណៈសេដ្ឋកិច្ចប្រទេសនេះប៉ះពាល់ខ្លាំងដោយសារទណ្ឌកម្មរបស់លោកខាងលិច។ លោក Vladimir Putin បានប្ដេជ្ញាបន្តសង្គ្រាមនៅអ៊ុយក្រែនដែលមានអាយុកាលមួយឆ្នាំហើយ និងបានចោទប្រកាន់សម្ព័ន្ធណាតូពីបទដុតបញ្ឆេះភ្លើងជម្លោះនៅអ៊ុយក្រែង ក្នុងការជឿជាក់ខុសថាអាចផ្ដួលរុស្ស៊ីនៅក្នុងការប្រឈមដាក់គ្នាជាសកល៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
