ភ្នំពេញ៖ នារសៀលថ្ងៃទី២៣ ខែកុម្ភៈនេះ លោក ថេង សុថុល អភិបាលខណ្ឌ៧មករា បានដឹកនាំ​កម្លាំង​ក្រោមឱវាទ និងសហភាពសហព័ន្ធយុវជនកម្ពុជាខណ្ឌ៧មករា បានចុះសួរសុខទុក្ខ​អាជីវករ​ផ្សារអូរឫស្សី និងបានភ្ជាប់ឆាណែលតេឡេក្រាម របស់សម្តេចតេជោ ​នាយករដ្ឋមន្រ្តី ជូនបងប្អូន​អាជីវករផ្សារ ដើម្បីទទួលបានព័ត៌មានលឿនរហ័ស និងពិតប្រាកដ។

លោក ថេង សុថុល បានឲ្យដឹងថា ការចុះនៅរសៀលនេះ គឺជាលើកទីពីរហើយ ដើម្បី​សួរសុខទុក្ខអាជីវករក្នុងផ្សារអូរឫស្សី និងភ្ជាប់ឆាណែលតេឡេក្រាម​របស់​សម្តេចតេជោ នាយករដ្ឋមន្រ្តី​ ជូនដល់ក្រុមអាជីវក។

លោកអភិបាល បានឲ្យដឹងថា យុទ្ធនាការចុះសួរសុខទុក្ខ និងភ្ជាប់ឆាណែលតេឡេក្រាម​របស់​សម្តេចតេជោ ​នាយករដ្ឋមន្រ្តី ​ជូនដល់​ក្រុមអាជីវកបាន​សរុប​ជាង ៣០០០ នាក់។

ជាចុងក្រោយ​លោកអភិបាល បាន​សំណេះសំណាល​ជាមួយ​បងប្អូន​អាជីវករលក់​ដូរនៅ​ក្នុងផ្សារ និង​ផ្ដាំផ្ញើ​សួរសុខទុក្ខ ​ដល់អាជីវករទាំង​អស់​ឲ្យចូលរួមរក្សា​បរិស្ថាន​អនាម័យ​សណ្ដាប់ធ្នាប់​សាធារណៈនៅ​ជុំវិញផ្សារ ​ដើម្បីឲ្យមានសោភ័ណ្ឌភាព​ ក្នុងបរិវេណ​ផ្សារផងដែរ៕ អត្ថបទ៖ កុម្ភៈ