ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវជនរួមជាតិ និងដៃគូអភិវឌ្ឍន៍រួមគ្នាលុបបំបាត់ ឬ កាត់បន្ថយការប្រើប្រាស់ប្លាស្ទិក។
សម្តេចតេជោ ប្រមុខរាជរដ្ឋាភិបាលកម្ពុជា បានធ្វើការណែនាំយ៉ាងដូច្នេះក្នុងពេលអញ្ជើញជាអធិបតីពិធីអបអរសាទរទិវាជាតិទីក្រុងស្អាតលើកទី១១ឆ្នាំ២០២៣ នៅសណ្ឋាគារសុខាភ្នំពេញ នារសៀលថ្ងៃទី២៧កុម្ភ:។
ទាក់ទិននឹងប្លាស្ទិកនេះ ជាមួយនឹងការអបអរសាទរដែលមហាសន្និបាតឆ្នេរសមុទ្រដែលស្អាតបំផុត បានធ្វើឡើងនៅខេត្តព្រះសីហនុបានយកអនុសាសន៍របស់សម្ដេចដាក់ក្នុងសេចក្តីសម្រេចចិត្តលើបញ្ហាទាក់ទិន និងប្លាស្ទិក សម្ដេចក៏បានបន្តថារឿងប្លាស្ទិក គឺជារឿងដែលអាចក្លាយជាបញ្ហាធ្ងន់ធ្ងរនៅ ២០ ឆ្នាំ ៣០ឆ្នាំឬ៥០ ឆ្នាំក្រោយ។
ក្នុងកង្វល់ដ៏ធំនេះ សម្ដេចតេជោ បានយកឱកាសអំពាវនាវដល់ជនរួមជាតិ និងដៃគូអភិវឌ្ឍទាំងអស់ត្រូវបន្តរួមគ្នាទាំងក្នុងក្របខណ្ឌជាតិរបស់យើងនិងដៃគូអន្តរជាតិ ដើម្បីកាត់បន្ថយនូវបញ្ហាប្រឈមឬឈានទៅលុបបំបាត់បញ្ហាប្រឈមនេះ ប៉ុន្តែ ការឱ្យលុបបំបាត់ទាំងស្រុង ជាការលំបាកណាស់ ប៉ុន្តែទោះជាយ៉ាងណាក៏ដោយ បញ្ហាប្លាស្ទិក មិនគួរឲ្យកើតមាននៅក្នុងសមុទ្រ ទន្លេ ព្រែក បឹងបួសនោះទេ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
