ភ្នំពេញ៖ ក្រុមហ៊ុន ប៊ូយ៉ុងគ្រុប បាននាំយករថយន្តក្រុងប្រភេទថ្មីចំនួន ២០០គ្រឿង ប្រគល់ជូនរដ្ឋ​បាល​រាជធានីភ្នំពេញ ដើម្បីធ្វើឱ្យប្រសើរឡើងនូវសេវាដឹកជញ្ជូន​សាធារណៈតាម​រថយន្តក្រុង​ក្នុងរាជធានី។

ពិធីប្រគល់-ទទួល បានធ្វើឡើងនាព្រឹកថ្ងៃទី២៨ ខែកុម្ភៈ ឆ្នាំ២០២៣ នៅក្នុងបរិវេណរដ្ឋាករស្វយ័ត​ដឹកជញ្ជូនសាធារណៈរថយន្តក្រុង (City Bus) សង្កាត់ព្រែកតាសេក ខណ្ឌជ្រោយចង្វារ ក្រោមអធិបតីភាពឯកឧត្តម ឃួង ស្រេង អភិបាលរាជធានី លោក ផាក ជុងវុក (PARK JEONG WOOK) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋកូរ៉េ ប្រចាំនៅព្រះរាជាណា​ចក្រកម្ពុជា និងលោកបណ្ឌិត លី ជុងគឿន (LEE JOONG KEUN) ប្រធានក្រុមប្រឹក្សាភិបាល ក្រុមហ៊ុន ប៊ូយ៉ុង គ្រុប។