អន្ដរជាតិ៖ នៅថ្ងៃអង្គារនេះ ក្រុមគ្រួសារ និងមិត្តភ័ក្តិតារាម៉ូដែលហុងកុង Abby Choi បានបង្ហាញខ្លួនជាសាធារណលើក​ដំបូង​របស់ពួកគេ ចាប់តាំងពីកើតមានឃាតកម្មមកលើនាង ដោយពួកគេជួបជុំគ្នា​នៅខាងក្រៅកន្លែងកើតហេតុនៅសង្កាត់ Tai Po ស្ថិតក្នុងតំបន់ជាយក្រុងហុងកុង ដើម្បីកាន់មរណទុក្ខ និងគោរពវិញ្ញាណក្ខន្ធនាង។

នៅរសៀលថ្ងៃនេះ ក្រុមអ្នកកាន់ទុក្ខទាំងនេះ បានទៅដល់ភូមិ Lung Mei Tsuen នៅជិតផ្ទះ ដែលនគរបាលរកឃើញបំណែកសាកសពរបស់នាង Choi។ លោក Cheng គឺជាសមាជិកអង្គការសប្បុរសធម៌ Paomes ដែលត្រូវបានបង្កើតរួមគ្នាដោយនាង Choi​និយាយថា ស្វាមី​តារាម៉ូដែលវ័យ ២៨ឆ្នាំម្នាក់នេះ ឪពុក-ម្តាយក្មេក និងឪពុក-ម្តាយបង្កើតរបស់នាង បានចូលរួមពិធីកាន់មរណទុក្ខ និងបានគោរពវិញ្ញាណក្ខន្ធនាង៕