អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បាននិយាយកាលពីថ្ងៃអង្គារ ទី២៨ ខែកុម្ភៈថា ការវាយប្រយុទ្ធគ្នាដ៏ខ្លាំងក្លានៅតែបន្តនៅជិតខ្សែត្រៀមជួរមុខនៃទីក្រុង Bakhmut ភាគខាងកើតរបស់អ៊ុយក្រែន ដែលគេបានមើលឃើញសមរភូមិប្រយុទ្ធដ៏កក្រើកក្នុងពេលប៉ុន្មានខែនេះ ។
លោក Zelensky បាននិយាយនៅក្នុងសុន្ទរកថាទៅកាន់ប្រជាជាតិនៅពេលល្ងាចថា ស្ថានភាពនៅក្នុងទីក្រុង Bakhmut បច្ចុប្បន្នយ៉ាប់យ៉ឺនខ្លាំងបំផុតខុសកាលពីកន្លងទៅ។ រុស្ស៊ីមិនរាប់ចំនួនទាហានរបស់ខ្លួនទាល់តែសោះ ដឹងតែបញ្ជូនពួកគេឲ្យវាយលុកភ្លាមៗលើមូលដ្ឋាននានារបស់យើង។ ការបង្កើនការវាយប្រហារកំពុងតែកើនឡើងខ្លាំង។ អតីតមជ្ឈមណ្ឌលឧស្សាហកម្មភាគខាងកើតមួយនេះ បានក្លាយជារឿងនយោបាយចាប់តាំងពីសមរភូមិប្រយុទ្ធយូរបំផុត ក្នុងការវាយលុករបស់រុស្ស៊ីមួយឆ្នាំមកនេះ បានធ្វើឲ្យទីក្រុងនេះក្លាយជាគំនរកម្ទេចថ្ម និងបណ្ដាលឲ្យមានមនុស្សយ៉ាងច្រើនស្លាប់ទាំងសងខាង។
ទាហានអ៊ុយក្រែនបានផ្ញើសារនៅក្នុងទីក្រុង Bakhmut ត្រូវបានឡោមព័ទ្ធ ខណៈរុស្ស៊ីបង្កើនការវាយលុកខ្លាំងដោយនិយាយថា ទីក្រុងនេះកំពុងឆាបឆេះ។ ស្ត្រីកំពុងរុញទៅមុខ អ៊ុយក្រែននឹងរស់។ លោក Putin ជាមនុស្សល្ងង់ ហើយពួកគេនឹងមិនបោះបង់ចោលទីក្រុងនេះជាដាច់ខាត។ អភិបាលតំបន់ Donetsk លោក Pavlo Kyrylenko បាននិយាយនៅដើមខែនេះ មុនសង្គ្រាមមានប្រជាជនចំនួន ៧០.០០០នាក់រស់នៅក្នុងទីក្រុង តែពេលនេះមានមិនដល់ ៥.០០០នាក់ផងទេ រួមទាំងកុមារ ១៤០នាក់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
