ភ្នំពេញ៖ រដ្ឋបាលខណ្ឌមានជ័យ លោក គៀង ចក់ អភិបាលរងខណ្ឌមានជ័យ បានដឹកនាំ​ក្រុមការងារ សហការជាមួយមន្ទីរការងារ បន្តចុះផ្សព្វផ្សាយជូនប្រជាពលរដ្ឋក្នុងមូលដ្ឋាន ជាពិសេសចុះស្រង់ស្ថិតិកម្មកររោងចក្រ និងភ្ជាប់ឆាណែលតេឡេក្រាម ​របស់សម្តេចតេជោ នាយករដ្ឋមន្រ្តី ជូនដើម្បីទទួលបានព័ត៌មានលឿនរហ័ស និងពិតប្រាកដ។

ក្នុងឱកាសនោះ លោក គៀង ចក់ បានលើកឡើងថា ការចុះស្រង់ស្ថិតិនេះ ដើម្បីធ្វើការផ្សព្វផ្សាយ និង​សួរសុខទុក្ខ ដល់បងប្អូនកម្មករ ជាពិសេសបានភ្ជាប់ ឆាណែល តេឡេក្រាម ​របស់សម្តេចតេជោ នាយករដ្ឋមន្រ្តី ​ជូនដល់ពួកគាត់។

គួររំលឹកផងដែរ កាលពីថ្ងៃទី១៥ ខែកុម្ភៈ ឆ្នាំ២០២៣ រដ្ឋបាលរាជធានីភ្នំពេញ ក្រោមអធិបតីឯកឧត្តម ឃួង ស្រេង អភិបាលរាជធានីភ្នំពេញ ​បានប្រជុំផ្សព្វផ្សាយជូនដល់មន្រ្តីរដ្ឋបាលរាជធានីភ្នំពេញ ខណ្ឌ សង្កាត់ ​មន្ទីរអង្គភាពជំនាញពាក់ព័ន្ធជុំវិញរាជធានីភ្នំពេញ ទាំងអស់ ក្នុងរាជធានីភ្នំពេញ បងប្អូន​អាជីវករផ្សារ សមាជិកសមាគមយុវជនសេដ្ឋកិច្ចកម្ពុជា និងជសមាជិក​សមាគម​សម្ព័ន្ធភាព​អង្គការ សមាគម និងវិស័យឯកជននៅកម្ពុជាទាំងអស់ ចូលទៅកាន់គណនីតេឡេ​ក្រាមរបស់​សម្ដេចតេជោ ហ៊ុន សែន នាយករដ្ឋមន្រ្តី ដោយផ្ទាល់ ​ដើម្បីទទួលបាននូវព័ត៌មានថ្មីៗ និង​ឆាប់រហ័ស៕ អត្ថបទ៖ កុម្ភៈ