តាកែវ៖ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ បានឱ្យដឹងថា តាមរយៈលទ្ធផល​នៃការ​ប្រឡងប្រណាំងភូមិ ឃុំ សង្កាត់ ​មានសុវត្ថិភាព ខេត្តតាកែវ ក្នុងឆ្នាំ ២០២២ បានជាប់​ចំណាត់ថ្នាក់លេខ១ ចំនួន៦៤ឃុំ សង្កាត់ និងលេខ២ចំនួន ៣៦ ឃុំ សង្កាត់។

ឯកឧត្តម អ៊ូច ភា អភិបាល បានបញ្ជាក់បែបនេះក្នុងសន្និសីទសារព័ត៌មានស្តីពីភាពជោគជ័យ​ក្នុង​រយៈពេល៥ឆ្នាំ (២០១៨-២០២៣) របស់រដ្ឋបាលខេត្តតាកែវ ថ្ងៃទី ២ខែមីនា ឆ្នាំ២០២៣ នៅទីស្តីការ​គណៈរដ្ឋមន្ត្រីនេះ។

ឯកឧត្ដមបញ្ជាក់ថា៖ «លទ្ធផលការប្រឡងប្រណាំងភូមិ ឃុំ សង្កាត់ មានសុវត្ថិភាព ខេត្តតាកែវ ឆ្នាំ២០២២ ចំណាត់ថ្នាក់លេខ១ មានចំនួន ៦៤ឃុំ សង្កាត់ លេខ២ មានចំនួន ៣៦ឃុំ សង្កាត់ ធៀបនឹងឆ្នាំ២០១៨ ចំណាត់ថ្នាក់លេខ១ មានចំនួន ៤៣ឃុំ សង្កាត់ លេខ២ ​មានចំនួន ៥៦ឃុំ សង្កាត់ ​និងលេខ៣ ​មានចំនួន ០១ឃុំ សង្កាត់»។

បើតាមឯកឧត្ដមអភិបាល ខេត្តតាកែវក៏បានផ្តល់អត្តសញ្ញាណប័ណ្ណ​សញ្ជាតិខ្មែរ​ជូនប្រជាពលរដ្ឋ​បានចំនួន ១២២.០១១សន្លឹក សៀវភៅគ្រួសារចំនួន ៥១.៩៧៣គ្រួសារ​ និងសៀវភៅស្នាក់​នៅចំនួន ៤៩.០៤៦គ្រួសារផងដែរ៕