វៀតណាម៖ ប្រភពព័ត៌មានបាននិយាយកាលពីថ្ងៃពុធថា បក្សកុម្មុយនិស្តវៀតណាមបានតែងតាំងលោក Vo Van Thuong ជាប្រធានាធិបតីថ្មីរបស់ប្រទេស បន្ទាប់ពីការលាលែងពីតំណែងដោយបង្ខំភ្លាមៗនៅក្នុងខែមករារបស់ប្រធានាធិបតីមុន ជាផ្នែកនៃយុទ្ធនាការប្រឆាំងអំពើពុករលួយដ៏ខ្លាំងក្លាមួយ។
លោក Thuong មានអាយុ ៥២ឆ្នាំគឺជាសមាជិកវ័យក្មេងបំផុតនៃការិយាល័យនយោបាយរបស់គណបក្ស ជាស្ថាប័នធ្វើការសម្រេចចិត្តកំពូលរបស់ប្រទេស ហើយត្រូវបានគេចាត់ទុកថា មានភាពស្និទ្ធស្នាលជាមួយអគ្គលេខាធិការលោក Nguyen Phu Trong ដែលជាឥស្សរជនដ៏មានឥទ្ធិពលបំផុតរបស់ប្រទេសវៀតណាម។ ការតែងតាំងលោក Thuong ដោយគណៈកម្មាធិការមជ្ឈិមបក្ស រក្សាការសម្រេចកាលពីពេលមុនដោយការិយាល័យនយោបាយ ហើយនឹងត្រូវការការអនុម័តដោយរដ្ឋសភាជាតិ ដែលត្រូវបើកសម័យប្រជុំវិសាមញ្ញនៅថ្ងៃព្រហស្បតិ៍នេះ។
ប្រធានាធិបតីក្នុងប្រទេសវៀតណាមមានតួនាទីយ៉ាងច្រើនក្នុងវិធានផ្សេងៗ ប៉ុន្តែស្ថិតក្នុងចំណោមឥស្សរជននយោបាយកំពូលទាំង៤ ក្នុងប្រទេស រួមជាមួយអគ្គលេខាធិការបក្ស នាយករដ្ឋមន្ត្រី និងប្រធានសភាជាតិ៕
អត្ថបទ៖ ប៊ុនថន