អន្ដរជាតិ៖ ក្រុមនគរបាលនិយាយថា ក្រុមខ្មាន់កាំភ្លើង បានគំរាមតារាបាល់ទាត់ស៊ូពើស្តា Lionel Messi នៅក្នុងលិខិតជាលាយ​លក្ខ័​អក្សរមួយច្បាប់ ពេលដែល​ពួកគេបើកការបាញ់ប្រហារទៅលើផ្សារទំនើបមួយកន្លែង ដែលគ្រប់គ្រងដោយគ្រួសារសាច់ថ្លៃ​របស់លោក​នៅ​ប្រទេសអាហ្សង់ទីន។

គ្មាននរណាម្នាក់រងរបួសនោះទេក្នុងហេតុការហ៍បាញ់ប្រហារកាលពីព្រឹកថ្ងៃព្រហស្បតិ៍ ហើយ​គេក៏ពុំទាន់ដឹងច្បាស់​នោះដែរថាតើហេតុអ្វីបានជាក្រុមខ្មាន់កាំភ្លើងទាំងនេះ មានគោលដៅទៅលើ Messi ឬផ្សារទំនើប Unico ស្ថិតក្នុង​ទីក្រុង Rosario ដែលគ្រប់គ្រងដោយគ្រួសារភរិយា Antonella Roccuzzo របស់លោក៕