អន្ដរជាតិ៖ អំឡុងបទសម្ភាសន៍ជាមួយ CNN នាយករដ្ឋមន្រ្តីកូរ៉េខាងត្បូងលោក Han Duck-soo និយាយថា ប្រទេសរបស់​លោក​ពុំត្រូវការអាវុធនុយក្លេអ៊ែរ ដើម្បីទប់ទល់ការគំរាមកំហែងពីកូរ៉េខាងជើងនោះទេ ថ្វីត្បិតតែការប្រកួតប្រជែងសញ្វវុធកើនឡើង​នៅអាស៊ីក៏ដោយ។

លោក Han និយាយថា ការស្ទង់មតិសាធារណជនជាច្រើនកាលពីពេលកន្លងទៅ បង្ហាញថា ពួកយើងគួរតែ​ពង្រឹង​អាវុធឡើងវិញ តែក្នុងលក្ខខណ្ឌអាវុធនុយក្លេអ៊ែរ ពួកយើងពុំចាំបាច់ឡើយ។

ការស្ទង់មតិបញ្ចេញកាលពីចុងខែកុម្ភៈ រកឃើញថា ៧១ភាគរយ នៃអ្នកឆ្លើយតបជាង ១.៣០០នាក់ នៅ​កូរ៉េ​ខាងត្បូង ​ចង់ឲ្យរដ្ឋាភិបាលក្រុងសេអ៊ូលផលិតអាវុធនុយក្លេអ៊ែរខ្លួនឯង ស្របពេលភាពតានតឹងឡើងកម្តៅខ្លាំង​នៅឧបទ្វីបកូរ៉េ៕