នាយនាវីទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ ប្រាប់ថា នាវាឆ្មាំសមុទ្រឥណ្ឌា មួយគ្រឿង ឈ្មោះ ICGS SAMUDRA PAHREDAR គ្រោង នឹង​ចូលចតនៅកំពង់ផែស្វយ័តអន្ដរជាតិក្រុងព្រះសីហនុ នៅថ្ងៃទី៦ ខែមីនា ឆ្នាំ២០២៣ ក្នុង​ដំណើរ​ទស្សន​កិច្ចសហប្រតិបត្តិការ រយៈពេល ៦ថ្ងៃ (ថ្ងៃទី៧-១១ ខែមីនា) ដើម្បីចូលរួម​សកម្មភាព​មួយ​ចំនួន រួមមាន៖ ក-ការបង្ហាញអំពីការឆ្លើយតបទាក់ទិនទៅនឹងការបំពុល ខ-ចូលរួមសកម្មភាព ជាមួយ​និងនគរបាលការពារព្រំដែនទឹក គ-សកម្មភាពចូលរួមរបស់នាយទាហានសកម្មឥណ្ឌា ដូច​ជា​ប្រតិបត្តិការសម្អាតឆ្នេរ ជាមួយស្ថាប័នយុវជនក្នុងស្រុក និងមានធ្វើលំហាត់ល្បាតរួមខ្នាតតូច (PASSEX) ជាមួយនាវាកងទ័ពជើងទឹកកម្ពុជា។

នាវានេះ មានលក្ខណៈបច្ចេកទេស ឈ្មោះ ICGS SAMUDRA PAHEREDAR (202) បណ្ដោយ​ជាង ៩០ម៉ែត្រ ទទឹងជាង ១៥ម៉ែត្រ ជម្រៅទឹកជាង ៤ម៉ែត្រ ទំងន់ផ្ទុកជាង ៤ពាន់តោន ចំនួន​មនុស្ស​ជាង ១០០នាក់ ដែលមានមេបញ្ជាការនាវា លោកវរនាវីឯក PRAMOD POKHRIYAL។