អន្ដរជាតិ៖ នៅថ្ងៃចន្ទនេះ រដ្ឋមន្រ្តីក្រសួងការពារជាតិកោះតៃវ៉ាន់ លោក Chiu Kuo-cheng បានព្រមានថា កោះតៃវ៉ាន់ត្រូវតែ​ប្រុងប្រយត្នក្នុងឆ្នាំនេះ សម្រាប់ការខិតចូលភ្លាមៗ​របស់យោធាចិន ស្របពេលភាពតានតឹងផ្នែកយោធាឡើងកម្តៅនៅច្រក​​សមុទ្រតៃវ៉ាន់។

ឆ្លើយតបនឹងសំនួរពីក្រុមតំណាងរាស្រ្តនៅក្នុងសភា លោក Chiu និយាយថា កងទ័ពរំដោះប្រជាមានិតចិន អាចនឹង​ស្វែងរកពាក្យដោះសារដើម្បីខិតចូលតំបន់ជិតដែនអាកាស និងដែនសមុទ្រកោះតៃវ៉ាន់ ស្របពេលដែល​កោះតៃវ៉ាន់ បង្កើន​កិច្ច​សហប្រតិបត្តិការយោធារបស់ខ្លួនជាមួយសហរដ្ឋអាមេរិកដែលជាគូប្រជែងរបស់ទីក្រុងប៉េកាំង ហើយ​ចិន​នឹងអាច​ប្រើប្រាស់​កម្លាំង​នៅពេលអនាគត៕