​បាល់ទាត់៖ ​សហព័ន្ធ​បាល់ទាត់​អ៊ីតាលី (FIGC) បាន​បញ្ជាក់​ថា ​ក្លិប​យក្ស​អ៊ីតាលី​ទាំង៣ ​នឹង​ត្រូវ​រង​ពិន័យ​ដោយសារ​រឿង European Super League កន្លងទៅ​។ ​Inter Milan, AC Milan និង Juventus សុទ្ធ​តែ​ជា​សមាជិក​អចិន្ត្រៃយ៍​ក្នុង​ការ​រួមគ្នា​បង្កើត​ពាន European Super League ក្នុងនោះ FIGC បាន​ចោទ​ប្រកាន់​ថា​ ជា​ការ​ប្រកួត​ខុសច្បាប់ ស្មើនឹង​ប្រឆាំង​នឹង Serie A​។

​​European Super League ដែល​រង​ការរិះគន់​ចាស់ដៃ​ ក្រោយ​ប្រកាស​ភ្លាមៗ​នោះក្លិប​ទាំង ៦ នៅ Premier League ប្រកាស​ដក​ខ្លួន​មុនគេ ត​មក​មាន Atletico Madrid, Inter Milan និង AC Milan ដោយ​បន្សល់​ទុក​តែ Real Madrid, Barcelona និង Juventus​។​ ​សហព័ន្ធ​បាល់ទាត់​អ៊ីតាលី​បាន​ប្រកាស​ថា ក្លិប​ដែល​ចូលរួម​ការប្រកួត​ ដែល​មិន​ស្ថិត​ក្រោម​ការរៀបចំ​រប​ស់ FIFA រឺ UEFA នឹង​មិន​អាច​ឲ្យប្រកួត​លី​គ​ក្នុង​ប្រទេស​អ៊ីតាលី​ឡើយ​។ ​សូម​បញ្ជាក់​ថា ប្រធាន​ក្លឹប Real Madrid លោក Florentino Perez គឺជា​អ្នក​ផ្ដួចផ្ដើម​បង្កើត​ពានរង្វាន់​នេះ​ឡើង​ ជាមួយ​ក្លឹប​យក្ស​នៅ​អឺរ៉ុប​ផ្សេងទៀត​ដូចជា Barcelona, Atletico Madrid, AC Milan, Inter, Juventus, Arsenal, Chelsea, Liverpool, Manchester City, Manchester United និង Tottenham Hotspur ដែលជា​សមាជិក​ ​មានន័យថាប្រសិន European Super League ចេញ​ជា​រូបរាង​នោះ​ក្លិប​ទាំង ១២ នេះ​នឹង​បង្ហាញ​មុខជា​អ​ចិ​ន្ត្រៃ​យ៍​៕

​អត្ថបទ​៖​នាង សុភា​វុ​ធ