អូស្ត្រាលី៖ នៅថ្ងៃអង្គារនេះក្រុមមន្ត្រីអូស្ត្រាលីបានព្រមាន ពីការកើនឡើងនៃការប្រឈមទៅនឹងភ្លើងឆេះព្រៃនៅភាគខាងកើត ក្រោយទឹកជំនន់ និងភ្លៀងធ្លាក់ខ្លាំងញឹកញាប់រយៈពេល ២ឆ្នាំមកនេះ ស្របពេលដែលរលកកម្ដៅធ្ងន់ធ្ងរបានរុញដោលឲ្យសីតុណ្ហភាពហក់ឡើងខ្លាំង រួមទាំងនៅក្នុងទីក្រុង Sydney ដល់កម្រិតខ្ពស់បំផុតក្នុងរយៈពេល ២ឆ្នាំមកនេះ។
ភ្លើងឆេះព្រៃសរុបចំនួន ៣៣កន្លែងកំពុងឆេះរាលដាលនៅទូទាំងរដ្ឋ New South Wales ជារដ្ឋដែលមានប្រជាជនច្រើនជាងគេបំផុតរបស់អូស្ត្រាលី ដែលមាន Sydney ជារដ្ឋធានី ក្នុងនោះ ១២កន្លែងនៅមិនទាន់ពន្លត់បានទាំងស្រុងនៅឡើយទេ។ សាលារៀន ៥កន្លែងត្រូវបានបិទ។ ភ្លើងឆេះព្រៃចំនួន ២ ត្រូវបានបន្ថយពីកម្រិតព្រមានគ្រាអាសន្នកាលពីយប់រំលងអធ្រាត្រ ប៉ុន្តែក្រុមមន្ត្រីនិយាយថា ភ្លើងទាំងនោះអាចឆេះរាលដាលម្ដងទៀត។ សីតុណ្ហភាពក្ដៅខ្លាំងត្រូវបានព្យាករណ៍ថានឹងកើនឡើងដល់ ៣០អង្សាសេរនៅថ្ងៃអង្គារនេះ ប៉ុន្តែគេរំពឹងថាស្ថានភាពនេះនឹងធូរស្រាលចាប់ពីថ្ងៃទី៧មីនានេះ។ ការិយាល័យឧតុនិយមបាននិយាយថា អាកាសធាតុក្ដៅ និងស្ងួត រួមជាមួយខ្យល់ខ្លាំងនឹងជំរុញឲ្យមានភ្លើងឆេះព្រៃឈានដល់កម្រិតគ្រោះថ្នាក់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
