​បាល់ទាត់៖ ​អ្នកចាត់ការ​ក្លិប RB Leipzig បច្ចុប្បន្ន​លោក Julian Nagelsmann ​នឹង​ក្លាយជា​អ្នកចាត់ការ Bayern Munich រដូវ​កាល​ក្រោយ​នេះហើយ នេះ​បើតាម​សេចក្តីប្រកាស​ជា​ផ្លូវការ​របស់​ក្រុម​ជើងឯក​អាល្លឺម៉ង់​។

​​អ្នកចាត់ការ Bayern Munich បច្ចុប្បន្ន​លោក Hansi Flick ទើបតែ​បាន​និយាយ​កាលពី​សប្តាហ៍​មុន​ថា​ បានស្នើ​សុំចាក​ចេញពី Bayern Munich នៅ​ដំណាច់​រដូវ​កាល​នេះ​ក្រោយពី Bayern Munich ធ្លាក់​ពី UEFA Champions League ត្រឹម​វគ្គ ៨ក្រុម​ចុងក្រោយ​ដោយ​ចាញ់ Paris Saint Germain​។​ ​ចំណែក Julian Nagelsmann​ បច្ចុប្បន្ន​វ័យ ៣៣ឆ្នាំ​គឺជា​អ្នកចាត់ការ​ដែលមាន​ស​ក្តា​នុព​ល​ម្នា​ក់នៅ​អឺរ៉ុប បន្ទាប់ពី​មាន​ក្លិប​ធំៗ​នៅ​អឺរ៉ុប​ជាច្រើន​ចង់បាន​។ ​លោក Nagelsmann ​ការផ្លាស់​លើក​នេះ​ត្រូវបាន​គេ​ដឹងថា Bayern Munich ត្រូវ​បង់ប្រាក់​ទៅឲ្យ Leipzig ប្រមាណ​ជាង ២០លាន​ផោន​។ ​លោក Nagelsmann​ បាន​និយាយថា នេះ​ជាការ​ចាកចេញ​ក៏​ក្តុកក្តួល​មួយ​ដែល Leipzig តែងតែ​ស្ថិតក្នុង​ចិត្ត​លោកជានិច្ច​មិន​ថា​កីឡាករ ក្រុមការងារ និង​អ្នកគាំទ្រ​។

តែ​នេះ​ជា​ជំ​ហ៊ាន​ដ៏​ធំ​មួយទៀត​ក្នុង​អាជីព​នេះ ហើយ​ការផ្លាស់​ទៅកាន់ Bayern Munich ពិតជា​ពិសេស​សំរាប់​លោក​។​ ​​រំលឹកថា ​លោក Julian Nagelsmann ​បាន​ក្លាយជា​អ្នកចាត់ការ​វ័យក្មេង​បំផុត​ត្រឹម​វ័យ ២៨ នៅពេល​លោក​ដឹកនាំ Hoffenheim​ កាលពី​ខែកុម្ភៈ​ ឆ្នាំ២០១៦​។ ​ក្រោយមក​លោក​បាន​ដឹកនាំ RB Leipzig នៅ​ឆ្នាំ២០១៩ និង​បាន​ដឹកនាំ​ក្រុម​បាន​លេខ៣ នៅ Bundesliga និងឈានឡើង​វគ្គ​ពាក់កណ្តាល​ផ្តាច់ព្រ័ត្រ UEFA Champions League ក្នុង​រដូវ​កាល​ដំបូង​។ បច្ចុប្បន្ន Leipzig កំពុង​ឈរ​លេខ២ នៅ Bundesliga នាំមុខ​ដាច់​ក្រុម​លេខ៣ Wolfsburg ៧ពិន្ទុ​៕

​អត្ថបទ​៖​នាង សុភា​វុ​ធ