អន្ដរជាតិ៖ ឯកអគ្គរដ្ឋទូតសហរដ្ឋអាមេរិកប្រចាំនៅជប៉ុនលោក Rahm Emanuel និយាយនៅថ្ងៃពុធនេះថា ចិនមិនគួរណាភ្ញាក់​ផ្អើលនោះឡើយ​ ពេលដែល​ទីក្រុងវ៉ាស៊ីងតោន និងសម្ព័ន្ធមិត្តរបស់ខ្លួន ពង្រឹងទំនាក់ទំនងយោធា ដើម្បីប្រឈមនឹង​ការដំឡើង​សាច់​ដុំយោធារបស់ទីក្រុងប៉េកាំងនោះ។

អំឡុងបទសម្ភាសន៍ជាមួយ CNNនៅផ្ទះរបស់លោកស្ថិតនៅទីក្រុងតូក្យូ លោក Emanuel និយាយថា អ្នកមើល​ឥណ្ឌា អ្នកមើលហ្វីលីពីន អ្នកមើលអូស្រ្តាលី អ្នកមើលសហរដ្ឋអាមេរិក កាណាដា ឬជប៉ុន។

រយៈពេល ៣ខែចុងក្រោយនេះ ចិនបានតតាំងគ្រប់ប្រទេស ហើយពួកគេ​បែរជាភ្ញាក់ផ្អើល ពេលដែលប្រទេសទាំងនេះ ចាត់វិធានការផ្ទាល់ខ្លួនដើម្បី​ការពារ​ខ្លួនឯង ។ តើអ្វីទៅដែលពួកគេថា ពួកគេនឹងធ្វើនោះ ?។

កាលពីថ្ងៃអង្គារម្សិលមិញ​រដ្ឋមន្រ្តីការបរទេសថ្មីរបស់ចិន លោក Qin Gang បានព្រមានថា ជម្លោះ និងការប្រឈមដាក់​គ្នាជាមួយសហរដ្ឋអាមេរិក នឹងមិនអាចចៀសផុត បើសិនជាទីក្រុងវ៉ាស៊ីងតោន នៅតែមិនផ្លាស់ប្តូរគំនិតរបស់ខ្លួន​៕