​អាល្លឺម៉ង់៖ មនុស្ស​យ៉ាងហោចណាស់ ​៧​នាក់​បាន​ស្លាប់ និង​មួយចំនួន​ផ្សេងទៀត​បាន​រង​របួស ​បន្ទាប់​ពី​ការ​បាញ់ប្រហារ​ដ៏​ធំ​មួយ​នៅ​ព្រះវិហារ Jehovah's Witnesses ក្នុង​ទីក្រុង Hamburg របស់​ប្រទេស​អាល្លឺម៉ង់​។

​មនុស្ស ​៧​នាក់​ត្រូវបាន​រាយការណ៍​ថា​បាន​រង​របួស​ធ្ងន់ ចំណែក ​១៧​នាក់​ផ្សេងទៀត​រង​របួស​ស្រាល​។ យើង​តាម​នគរបាល​ក្នុង​តំបន់​គេ​ជឿ​ថា ​ខ្មាន់កាំភ្លើង​ស្ថិត​ក្នុង​ចំណោម​អ្នក​ស្លាប់​ដែល​បាន​រក​ឃើញ​នៅ​ក្នុង​ព្រះវិហារ​នោះ​។ អ្នកនាំពាក្យ​នគរបាល​បាន​និយាយ​ថា យើង​មិនទាន់​ដឹង​ពី​គោលបំណង​របស់​ជនល្មើស​នៅឡើយ​ទេ ដោយ​បន្ថែម​ថា ក្រុម​អ្នកស៊ើប​អង្កេត​បាន​បង្ហាញ​ថា​ ជនល្មើស​អាច​នៅ​ក្នុង​អគារ​ព្រះវិហារ និង​អាច​ស្ថិត​ក្នុងចំណោម​អ្នក​ស្លាប់​។ ​សាក្សី ​២​នាក់​បាន​ប្រាប់​ទូរទស្សន៍ n-tv ថា ​ពួកគេ​បាន​លឺ​ស្នូ​គ្រាប់​កាំ​ភ្លើង​ចំនួន ​១២​គ្រាប់​។

​នគរបាល​បាន​និយាយ​នៅ​លើ​បណ្ដាញ​សង្គម ​Twitter ថា ប្រតិបត្តិការ​ដ៏​ធំ​នៅតែ​បន្ត​នៅ​ក្នុង​ស្រុក Alsterdorf របស់​ទីក្រុង​នេះ។ ​អ្នកនាំពាក្យ​នគរបាល​លោក Holger Vehren បាន​និយាយ​ថា នគរបាល​ត្រូវ​បាន​ប្រកាស​ពី​ហេតុការណ៍​បាញ់​ប្រហារ​នៅ​ម៉ោង​ប្រមាណ ៩:១៥​នាទី​យប់ និង​ត្រូវ​បាន​ទៅដល់​កន្លែង​កើត​ហេតុ​ភ្លាមៗ​៕ អត្ថបទ៖ សុខមាន