អន្ដរជាតិ៖ ទូរទស្សន៍រដ្ឋ KRT រាយការណ៍ថា មេដឹកនាំកូរ៉េខាងជើង លោក Kim Jong Un បានត្រួតពិនិត្យសមយុទ្ធ​បាញ់គ្រាប់​កាំភ្លើងធំពិត ធ្វើត្រាប់តាមការវាយ​ប្រហារទៅលើមូលដ្ឋានទ័ពអាកាសរបស់កូរ៉េខាងត្បូង។

សេចក្តីរាយការណ៍របស់ KRT ​បានកើតមានឡើងរយៈពេល ១ថ្ងៃក្រោយយោធាកូរ៉េខាងត្បូង រកឃើញកូរ៉េខាងជើង បាញ់មីស៊ីលរយៈចម្ងាយខ្លី ១គ្រាប់​ឆ្ពោះទៅកាន់សមុទ្រចេញពីទីក្រុងឆ្នេរភាគខាងលិច Nampo។ រូបភាពហ្វិកបញ្ចេញដោយ KRT ឃើញមីស៊ីលយ៉ាងហោច ៦គ្រាប់ ត្រូវបានបាញ់នៅក្នុងពេលតែមួយ។ លោកKim​​ត្រូវបានអមដំណើរដោយកូនស្រីរបស់លោក ដែលបានបង្ហាញខ្លួននៅព្រឹត្តការណ៍សំខាន់ៗជាច្រើនកាលពីពេលថ្មីៗនេះ៕