ភ្នំពេញ៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និង​ជា​មេបញ្ជាការកងទ័ព ជើងគោក បានចំអកដល់ក្រុមប្រឆាំងជា ពិសេសទណ្ឌិតក្បត់ជាតិបីជំនាន់ សម រង្ស៊ី ថា អស់មានរឿងអ្វីប្រហារទៀតហើយ បាននាំគ្នាខិតខំប្រឹប្រឌិត​រឿងប្លែកៗ ដើម្បីប្រជាភិថុតិ។

តាមរយៈផេកហ្វេសបុក នាថ្ងៃទី១៣ ខែមីនា ឆ្នាំ២០២៣នេះ ឧត្តមសេនីយ៍ឯក ហ៊ុន ម៉ាណែត ​បាន​សង្កត់ធ្ងន់ថា «មើលទៅមជ្ឍដ្ឋានប្រឆាំងអស់អ្វីនឹងលើកយកមកវាយប្រហារហើយ ​បានជា​ខំប្រឹងប្រឌិត​រឿងប្លែកៗ​ព្យាយាមបំបែកបំបាក់ផ្ទៃក្នុងរបស់គេ រហូតដល់ទៅយកអត្ថបទមួយដែល​សរសេរ​ដោយ​ជនបរទេសម្នាក់ ​ដែល​តែងតែ​សរសេរផ្អែកលើមូលដ្ឋាន​នៃពាក្យចចាមអារ៉ាម (ព្រោះក្នុងការសរសេរម្តងៗរបស់គាត់ ឃើញតែដាក់ពីប្រភពនេះប្រភពនោះ ដែលមិនច្បាស់លាស់​ថា​ជាប្រភពណាពិតប្រាកដ ​គឺប្រហែលជាប្រភពខ្យល់ច្រើនជាង»។

យ៉ាងណាក៏ដោយឧត្តមសេនីយ៍ឯក ហ៊ុន ម៉ាណែត បានលើកឡើងទៀតថា ​អ្វីដែលក្រុមប្រឆាំង និង​ក្រុមក្បត់ជាតិទាំងនោះបានប្រឌិត ​សង្ឃឹមថា​ការបញ្ជាក់របស់សម្តេចពិជ័យសេនា​ ទៀ បាញ់ និង​ក្រសួងការពារជាតិអាចអោយមហាជនបានដឹងច្បាស់ថា ការពិតគឺយ៉ាងណាហើយ។

សូមបញ្ជាក់ថា ក្នុងរយៈពេលប៉ុន្មានថ្ងៃមកនេះក្រុមពួកក្បត់ជាតិ នៅក្រៅស្រុក ​បានខិតខំប្រឌិត រឿងរ៉ាវ​ជាច្រើនទាក់ទង និង​រឿងរ៉ាវ​លោកឧត្តមសេនីយ៍ឯក ហ៊ុន ម៉ាណែត ក្លាយជាបេក្ខជន​នាយករដ្ឋមន្រ្តី នៃកម្ពុជានាពេលអនាគតនោះ។ ក្រោយប្រឹងប្រឌិត និងបំភ្លៃការពិតដើម្បី​ប្រជាភិថុតិនោះ ថ្នាក់ដឹកនាំក្រសួងការពារជាតិទាំង​អស់គ្រប់ស្ថាប័ន អង្គភាពបាន​ចេញញត្តិ​បដិសេធ ​និងធ្វើការថ្កោលទោសយ៉ាងដាច់ ​អហង្ការចំពោះទណ្ឌិតក្បត់ជាតិបីជំនាន់​ និងបក្សពួក ថែម​ទាំងអំពាវនាវឲ្យអាជ្ញាធរមានសមត្ថកិច្ចចាប់ខ្លួន ភ្លាមៗ​ជនក្បត់ជាតិបីជំនាន់ និង​បក្សពួកផងដែរ៕អត្ថបទ៖ បាន ចក់