​​ប្រណាំង​កង់៖ ​អតីត​ជើងឯក​ប្រណាំង​កង់ Grand Tour, Tour de France ទាំងពីរ​នាក់​រួមមាន Tadej Pogacar និង Primoz Roglic សុទ្ធតែ​ទទួលបាន​ជ័យជំនះ​ជើងឯក​រៀងៗ​ខ្លួន ក្នុង​ព្រឹត្តិការណ៍​ប្រណាំង​កង់​នៅ​អឺរ៉ុប​ចុង​សប្តាហ៍​កន្លងទៅ​។

​​ជើងឯក Tour de France ពីរ​សម័យ Tadej Pogacar បាន​យកឈ្នះ​ជើងឯក​ព្រឹត្តិការណ៍ Paris-Nice លើ​ទឹកដី​បារាំង​ដែលមាន​ការប្រកួត​សរុប ៨ដំណាក់កាល​។ ​ចុងបញ្ចប់ Pogacar បាន​យកឈ្នះ​កីឡាករ​ម្ចាស់ផ្ទះ​បារាំង​ជាមួយនឹង​ថេរវេលា ៥៣វិនាទី ស្រប​ពេលដែល​កីឡាករ​ដា​ណឺ​ម៉ាក Jonas Vingegaard ទទួលបាន​ចំណាត់ថ្នាក់​លេខ ៣​។ ​ក្នុងចំណោម ៨ដំណាក់កាល​នេះ Pogacar បានឈ្នះ​សរុប ៣ដំណាក់កាល ខណៈ​ដំណាក់កាល​ទី ៦ ត្រូវបាន​លុបចោល​ដោយសារ​បញ្ហា​អាកាសធាតុ​។

​​ងាក​មក​ការប្រកួត​កម្មវិធី​ដាច់ដោយឡែក​ផ្សេងទៀត កីឡាករ​ប្រណាំង​កង់​ស្លូ​វេ​នី Primoz Roglic បាន​ប្រជែង​ឈ្នះ​ជើងឯក Tirreno-Adriatico តាមរយៈ​ជ័យជំនះ​នៅ​ដំណាក់កាល​ចុងក្រោយ ដើម្បី​ឈរ​ក្នុង​តារាង​វេលា​រួម​នៅ​ពីលើ​កីឡាករ Jasper Philipsen​។ ​Tirreno-Adriatico ជា​ព្រឹត្តិការណ៍​ប្រណាំង​កង់​ដែលមាន​សរុប ៧ដំណាក់កាល​នៅលើ​ទឹកដី​អ៊ីតាលី ​ហើយ Primoz Roglic ឈ្នះ​ជើងឯក​នៅទីនេះ​សរុប ២លើក​ទាំង​ឆ្នាំនេះ ខណៈដែល Tadej Pogacar ធ្លាប់​ឈ្នះ ២លើក​ផងដែរ​៕

​អត្ថបទ​៖​នាង សុភា​វុ​ធ