ហ្គាបុង ៖ អជ្ញាធប្រទេសហ្គាបុងកាលពីថ្ងៃអាទិត្យបានបន្ដប្រតិបត្ដការរុករកមនុស្ស៣១នាក់ដែលនៅបាត់ខ្លួននៅ

ឡើយ​បន្ទាប់ពីការសាឡាងមួយគ្រឿងបានលិចកាលពី​សប្ដាហ៏​មុននៅជិតតំបន់មាត់សមុទ្រ ដែល​បាន​សំលាប់​មនុស្ស​អស់៦នាក់មក។

សាឡាងឈ្មោះ Esther Miracle ដែលធ្វើប្រតិបត្ដការដោយ កងម៉ារីនRoyal Cost និងបាន​ដឹកអ្នក​ដំណើរ​ចំនួន១៦១នាក់​ធ្វើដំណើរពី ស្រុកលីប្រេវីល ទៅកំពង់ផែ ហ្សេនទីល ជាពេលដែលវាបានលិចនៅថ្ងៃទី៩មិនា នៅជិតភូមិមាត់​សមុទ្រ​នីយ៉ូនី(Nyonie)។

នាយករដ្ឋមន្រ្ដីប្រទេសហ្គាបុង លោកអាឡាំង ក្លោត ប៊ីលី ប៊ី នីហ្សេបានប្រាប់ទូរទស្សន៏រដ្ឋកាលពីថ្ងៃអាទិត្យថា លោក​មិនបានបញ្ឈប់ប្រតិបត្ដការរុករកឡើយ ដោយលោកបានបន្ដរុករកអ្នកបាត់ខ្លួនតាំងពីថ្ងៃដំបូងមកម៉្លេះ។

លោកនិយាយថា ខណះដែលលោកកំពុងនិយាយនេះ ទូកមួយគ្រឿងនៅឯកន្លែងកើតហេតុដែលមានក្រុមមុជទឹក កំពុង​កំណត់ទីកន្លែងដែលសាឡាងបានលិច។

អ្នកបើកយន្ដហោះ គឺវរសេនីយត្រី ម៉ូដេស មេហ្សុយបានប្រាប់ទូរទស្សន៏រដ្ឋកាលពីថ្ងៃអាទិត្យថា កងទ័ពអាកាស​បាន​ធ្វើប្រតិបត្ដការរុករករាល់ថ្ងៃ ដើម្បីស្វែងរកអ្នកបាត់ខ្លួនតាំងពីសាឡាងបានលិចដំបូងមកម៉្លេះ។ លោកនិយាយថា

ប្រតិបត្ដការរុករកនៅតែបន្ដធ្វើ ទោះបីតំបន់ប្រតិបត្ដការមានទំហំធំក៏ដោយ៕ ដោយ ៖ មករា