ភ្នំពេញ៖ រដ្ឋបាលខណ្ឌព្រែកព្នៅបានបើកកិច្ចប្រជុំ និងពិភាក្សារដោះស្រាយទុកកង្វល់បញ្ហាពលរដ្ឋ​ដែលរស់នៅតំបន់បឹកតាមោក ចំនួន៧០គ្រួសារ ការបើកកិច្ចប្រជុំនេះដឹកនាំដោយ លោក ធឹម សំអាន អភិបាលខណ្ឌព្រែកព្នៅ មន្រ្តីពាក់ព័ន្ធបំរើការក្នុងខណ្ឌ នាថ្ងៃទី១៣ ខែមិនា ឆ្នាំ២០២៣។

លោក ធឹម សំអាន អភិបាលខណ្ឌព្រែកព្នៅ បានមានប្រសាសន៍ថា គ្មានអ្វីដែលយើងដោះស្រាយ​មិនបាន​នោះទេអោយតែមានឆន្ទៈ​ មកអង្គុយនៅតុពិភាក្សារចរចារគ្នា​ ហើយមានការជោគយល់​អធ្យាស្រ័យ​គ្នា​និងចូលរួម​ពិភាក្សារកដំណោះស្រាយគ្នា ​ដោយយកយន្តកាលឈ្នះៗ មកដោះស្រាយ​និងបានជោគជ័យ​ដោយមិនមានការបង្ខិតបង្ខំឡើយ។

ប្រជាពលរដ្ឋដែលរស់នៅអាស្រ័យផលសហគម៍តំបន់បឹងតាមោកក្នុងសង្កាត់សំរោងក្រោម ខណ្ឌព្រែកព្នៅ ចំនួន៧០គ្រួសារដែលមានបញ្ហាទុកកង្វល់កន្លងមកជាយូរឆ្នាំ​មកហើយឥលូវត្រូវ​បានទទួលការដោះស្រាយពីសំណាក់លោក អភិបាលខណ្ឌ​ និង​យល់​ព្រមទទួលយកទាំងអស់គ្នា។

ប្រជាពលរដ្ឋដែលរស់នៅក្នុង​តំបន់អាស្រ័យផល​បឹងតាមោក បានលើកឡើងថា នេះពិតជា​លោកអភិបាលខណ្ឌ ដ៏ល្អ និងគំរូ ​ដែលបានយកចិត្តទុកដាក់ និងមានការគិតគូរសុខទុក​របស់​ប្រជាពលរដ្ឋ និងបានជួយដោះស្រ័យ​បញ្ហា​ទុក​កង្វល់​របស់ប្រជាពលរដ្ឋ​ដែលមាន​រយៈពេល​យូរឆ្នាំមក។ បន្ថែមទៀតនោះពួកគាត់​មានការរីករាយ​សប្បាយចិត្ត និងទទួលយកដោយគ្មាន​ការ​បង្ខិតបង្ខំឡើយ។

ជាចុងក្រោយលោក អភិបាល បានបន្ថែមទៀតថាលោកនឹងមន្ត្រីសាលាខណ្ឌទាំងអស់​និង​សហការ​រួមគ្នា​ដើម្បី​បំរើប្រជាពលរដ្ឋអោយអស់​ពី​សមត្ថភាព ​និងកំលាំង​កាយ​ចិត្តមិន​ថា​យប់មិនថាថ្ងែ សុខទុក​ប្រជាពលរដ្ឋក៏ដូចជាសុខទុក្ខ​របស់​លោកផងដែរ។

បន្ទាប់ពីប្រជាពលរដ្ឋបានទទួលការ​ដោះស្រាយហើយ​ លោក អភិបាលខណ្ឌ បាន​ពាំនាំ​យក​អំណោយ​ដ៏ថ្លៃថ្លារបស់សម្តេចតេជោ នាយករដ្ឋមន្រ្តី ​ចែកជូន​ដល់ប្រជាពលរដ្ឋក្នុងនោះ​ មានអង្ករ និង​គ្រឿងបរិភោគផ្សេងៗទៀត៕ អត្ថបទ៖ កុម្ភៈ