​អាមេរិក៖ រដ្ឋ​ភាគ​ឦសាន​សហរដ្ឋអាមេរិក​ដូចជា​រដ្ឋ New York, Vermont និង Massachusetts បានទទួល​ឥទ្ធិពល​ចុងក្រោយ​នៃ​ព្យុះ​រដូវរងា​ដែល​កំពុង​វាយប្រហារ​មកលើ​សហរ​ដ្ឋ​អាមេរិក​។​

​នៅ​ភាគ​ឦសាន និង​តំបន់ New England ព្យុះ Nor'easter មាន​គំនរ​ព្រិល​រហូតដល់​ ២០​អ៊ី​ញ​រួចហើយ និង​ព្រិល​មាន​កម្រាស់​ ៨​អ៊ី​ញ​បាន​ធ្លាក់​នៅ​រដ្ឋធានី Albany រដ្ឋ​ញូវយ៉ក​។ ​យោងតាម​ទិន្នន័យ​ទីភ្នាក់ងារ PowerOutage.us បាន​ឲ្យ​ដឹងថា ​លំនៅឋាន​ និង​អាជីវកម្ម​ច្រើនជាង ២៦៧,០០០​កន្លែងគ្មាន​ថាមពល​អគ្គិសនី​ប្រើប្រាស់​។​ ​នៅ​រដ្ឋ​ញូវយ៉ក អភិបាលរដ្ឋ​លោកស្រី Kathy Hochul បានប្រកាស​ដាក់​រដ្ឋ​ក្នុង​គ្រាអាសន្ន​កាលពី​យប់​ថ្ងៃ​ចន្ទ​សម្រាប់ ៣៧តំបន់​។ អង្គភាព​សេវា​អាកាសធាតុ​ជាតិ (NWS) និយាយថា ព្រិល​ធ្លាក់​ខ្លាំង​អាច​ធ្លាក់ចុះ​ក្នុង​អត្រា ២អ៊ី​ញ​ក្នុង​មួយ​ម៉ោង​នៅក្នុង​តំបន់​មួយចំនួន​នៃ​រដ្ឋ​ញូវយ៉ក ​ដោយមាន​ខ្យល់​បក់​ខ្លាំងបណ្តាល​ឲ្យ​ការធ្វើដំណើរ​មិនអាច​ដំណើរការ​ទៅបាន​៕

អត្ថបទ៖ ប៊ុនថន