កំពង់ធំ៖ នៅព្រឹកថ្ងៃទី១៥ ខែមីនា ឆ្នាំ២០២៣ ឯកឧត្តម ងួន រតនៈ អភិបាលខេត្កំពង់ធំ អញ្ជើញ​បើកការដ្ឋានសាងសង់ផ្លូវកៅស៊ូ DBST ចំនួន១ខ្សែប្រវែង ២,០២០ ម៉ែត្រ ដែលជា​គម្រោង​របស់រដ្ឋបាលខេត្តកំពង់ធំ ស្ថិតនៅភូមិបល្ល័ង្គលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ។

ក្នុងឱកាសនោះដែរឯកឧត្តមបញ្ជាក់ថា ការអភិវឌ្ឍគឺជាជំហាននៃការកែលម្អបន្ថែមពី ផ្លូវ​ក្រួស​ក្រហម​មកផ្លូវកៅស៊ូ ដើម្បីសម្រួលដល់ការធ្វើដំណើរ​របស់​ប្រជាពលរដ្ឋកាន់តែងាយស្រួល​ ហើយ​ក៏ជាការចូលរួម​ពង្រីកក្រុងស្ទឹងសែន ឲ្យកាន់តែធំទូលាយ ។

ឯកឧត្តម បញ្ជាក់បញ្ជាក់ថា ក្នុងឆ្នាំ២០២៣នេះរដ្ឋបាលខេត្ត ​បានផ្តល់គម្រោងដល់រដ្ឋបាល​ក្រុង​ស្ទឹងសែន និងរដ្ឋបាលសង្កាត់ ចំនួន៣ ​បន្ថែមទៀត គឺ៖ ១.គម្រោងផ្លូវបេតុងប្រវែង ៨៤៥ ម៉ែត្រ តភ្ជាប់ពីភូមិ ព្រៃបន្លិច សង្កាត់ អាចារ្យលាក់ ទៅភូមិក្តី សង្កាត់ព្រៃតាហ៊ូ គ្រោងនិងរៀបចំ​បើក​ការដ្ឋាននាពេលខាងមុខ។ ២. គម្រោងផ្លូវបេតុងប្រវែង ៩០០ ម៉ែត្រ តភ្ជាប់ពីផ្លូវជាតិលេខ០៦A ទៅកាន់ភូមិកំពង់សំរោង សង្កាត់ស្រយ៉ូវ ​គ្រោង​និងរៀបចំបើកការដ្ឋាននាពេលខាងមុខ។

៣. គម្រោង​ផ្លូវបេតុង​ប្រវែង ៥០០០ ម៉ែត្រ តភ្ជាប់ពីផ្លូវជាតិលេខ០៦ ​ទៅកាន់ភូមិ រលួស សង្កាត់​ស្រយ៉ូវ គ្រោងនិងរៀបចំបើកការដ្ឋាននាពេលខាងមុខ៕