​អាមេរិក៖ យោងតាម​សេដ្ឋវិទូ​អាមេរិក ការដួលរលំ​របស់​ធនាគារ Silicon Valley Bank គឺជា​សញ្ញា​បង្ហាញ​ថា វា​ដល់​ពេល​ដែល​ត្រូវ​ចាប់ផ្ដើម​ពិចារណា​ពី​គំរូ​ច្រក​សេវា​ធនាគារ​តូច​ចង្អៀត​ដ៏​ប្រុងប្រយ័ត្ន​។

​ធនាគារ Silicon Valley Bank បាន​ដួល​រលំ​កាលពី​ថ្ងៃ​សុក្រ​សប្ដាហ៍​មុន ហើយ ​២​ថ្ងៃក្រោយ​ក្រសួង​រតនាគារ​អាមេរិក ក្រុមប្រឹក្សាភិបាល​ធនាគារ​កណ្ដាល និង​សាជីវកម្ម​ធានា​រាប់​រង​ប្រាក់​បញ្ចើ​សហព័ន្ធ បាន​ចេញ​សេចក្ដីថ្លែងការណ៍​រួម​ដោយ​និយាយ​ថា ប្រាក់​បញ្ចើ​ទាំងអស់​នៅ​ក្នុង​ធនាគារ​នេះ​នឹង​ត្រូវ​បាន​ការ​ពារ​ដោយ​រដ្ឋាភិបាល​អាមេរិក​។​ ​សស្ត្រាចារ្យ​សេដ្ឋកិច្ច​នៅ​សាកលវិទ្យាល័យ University of Southern California លោក Romain Ranciere បាន​និយាយថា ការ​ឆ្លើយ​តប​របស់​រ​ដ្ឋា​ភិ​បាល​សហរដ្ឋ​អាមេរិក បាន​ធានា​ពេលវេលា​ដល់​អតិថិ​ជន​ដែល​ជា​អ្នក​ផ្ញើ​ប្រាក់​នៅ​ធនាគារ​នេះ ប៉ុន្តែ​វិធានការ​នានាមិន​គួរ​ត្រូវ​បាន​ប្រើប្រាស់​ទេ​។ នៅ​ពេល​ប្រើ​វិធានការ​ទាំងនោះ​នឹង​បង្ហាញ​ដោយ​ផ្ទាល់​ពី​បញ្ហា​ជា​ប្រព័ន្ធ​ សម្រាប់​ប្រព័ន្ធ​ហិរញ្ញវត្ថុ​របស់​សហរដ្ឋអាមេរិក​។

​លោក Ranciere បាន​និយាយថា ដើម្បី​កាន់តែ​ច្បាស់លាស់​ជាង​នេះទៀត​មាន​បញ្ហា​ធំ​គឺថា ​តើ​យើង​អាច​បន្ត​របៀប​នៃ​ប្រព័ន្ធ​ធនាគារដំណើរការ​បែបនេះ ​ដែល​យើង​មាន​តាំងពី ១០០​ឆ្នាំមុន​នោះ​ ឬយ៉ាង​ណា​។ ដូច្នេះ​ខ្ញុំ​គិតថា វា​ជា​ពេលវេលា​ល្អ​ដែល​ត្រូវ​ចាប់ផ្ដើម​គិត​សារ​ឡើងវិញ ចំពោះ​អាជីវកម្ម​ធនាគារ​តូច​ចង្អៀត​បែបនេះ៕ អត្ថបទ៖ សុខមាន