អន្ដរជាតិ៖ សេតវិមាននិយាយថា សហរដ្ឋអាមេរិក មានធនធានគ្រប់គ្រាន់​ក្នុងការគាំទ្រអ៊ុយក្រែនរហូតដល់ដំណាច់ឆ្នាំសារពើពន្ធនេះ។ សហរដ្ឋអាមេរិក បានប្រកាសកញ្ចប់ជំនួយយោធាថ្មីតម្លៃ ៤០០លានដុល្លារ សម្រាប់អ៊ុយក្រែន កាលពីថ្ងៃទី៣ ខែមីនាកន្លងទៅ ប៉ុន្តែវាគឺជាលើកដំបូងហើយដែលជំនួយនេះ រួមទាំងស្ពានយុទ្ធសាស្រ្តសម្រាប់ចម្លងរថក្រោះ និងរថពាសដែក។

លោក Andriy Pyshnyi គឺជាប្រធានធនាគារកណ្តាលនិយាយប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា អ៊ុយក្រែន​ទទួលបានជំនួយ​ប្រហែល ៦ពាន់លានដុល្លារពីលោកខាងលិចមកទល់នឹងពេលនេះ នៅក្នុងឆ្នាំនេះ៕