ភ្នំពេញ៖ នាទីព្រះពុទ្ធសាសនាផ្សារភ្ជាប់ នឹងសង្គម នៃក្រសួងធម្មការ និងសាសនា ក្រោមគំនិតផ្តួចផ្តើមដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នារសៀលថ្ងៃទី២១ ខែមីនា ឆ្នាំ២០២៣នេះ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតី ក្នុងកម្មវិធីនាទីព្រះពុទ្ធសាសនាផ្សារភ្ជាប់ នឹងសង្គមលើកទី២៧៣ ស្មើនឹង ៩៤៤ចំណងជើងព្រះធម៌។
នាឱកាសបើកនាទីព្រះពុទ្ធសាសនាផ្សារភ្ជាប់ នឹងសង្គម លើកទី២៧៣ មានការសម្តែងព្រះធម៌អំពី កោធវគ្គ ដោយព្រះអរិយវង្ស ហង្ស សាវី ព្រះរាជាគណៈថ្នាក់ត្រី ជាព្រះប្រធានព្រះរាជលេខាធិការដ្ឋាន នៃសម្តេចព្រះ មហាសង្ឃរាជ គង់នៅវត្តបទុមធម្មយុត្ត ស្ថិតក្នុងខណ្ឌដូនពេញ រាជធានីភ្នំពេញ ជាប្រធាន សម្របសម្រួល និគមវចនៈ សរុបខ្លឹមសារ។
-ព្រះពោធិធម្មមុនី ហួត សុធា ព្រះរាជាគណៈថ្នាក់កិត្តិយស ជាព្រះពោធិសត្វមហាមគ្គានុរក្ស ព្រះមេគណ គណៈធម្មយុត្តិកនិកាយខេត្តពោធិ៍សាត់, សម្ដែងអំពី៖ សេចក្តីក្រោធជាហេតុឱ្យកើតសេចក្តីវិនាស។
-ព្រះចំរុងបំរុងរតន៍សាសន៍សក្ខាមុនី វ៉ឹង ចំរ៉ុង ព្រះរាជាគណៈថ្នាក់កិត្តិយស ព្រះធម្មធរគណគណៈធម្ម យុត្តិកនិកាយខេត្តតាកែវ និងជាព្រះអនុគណគណៈធម្មយុត្តិកនិកាយ ស្រុកព្រៃកប្បាស ខេត្តតាកែវ គង់នៅវត្តធម្មវិនយារាម, សម្តែងអំពី៖ សេចក្តីក្រោធគ្របសង្កត់នូវជនណា សេចក្តីងងឹតរមែងមានប្រាកដដល់ជននោះ ក្នុងកាលនោះដែរ។
ឆ្លៀតក្នុងឱកាសនោះឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានថ្លែងថា ព្រះធម៌ទេសនាជួយអប់រំទូន្មាន កូនខ្មែរគ្រប់រូបឲ្យប្រកាន់ខ្ជាប់នូវអំពើល្អ សីលធម៌ គុណធម៌ ចរិយាធម៌ សេចក្ដីថ្លៃថ្នូរនៅក្នុងសង្គម។ បង្ការការរីករាលដាលមេរោគអេដស៍ និងជំងឺអេដស៍។ ចៀសផុតពីគ្រឿងញៀន គ្រឿងស្រវឹង, ពីការជួញដូរមនុស្ស ចៀសផុតពីអំពើហិង្សាក្នុងគ្រួសារ និងក្នុងសង្គម។ បង្ការគ្រោះថ្នាក់ ចរាចរណ៍, ទីក្រុងស្អាត រមណីយដ្ឋានស្អាត សេវាល្អ និងបដិសណ្ឋារកិច្ចល្អ។ រួមចំណែករក្សា ភូមិ ឃុំ មានសុវត្ថិភាព។
អក្ខរកម្មឆ្ពោះទៅរកការសិក្សាពេញមួយជីវិត។ការចិញ្ចឹមកូនបែបវិជ្ជមាន និងដើម្បីរួមគ្នាទប់ ស្កាត់ការចម្លងវីរុសកូវីដ-១៩(COVID-19) និងអនុវត្តវិធានការ“៣ការពារ និង៣កុំ» និងជួយផ្សព្វផ្សាយពីហានិភ័យ ដែលកើតឡើងពីផ្សែងធូប ផ្សែងភ្លើងទៀន ក៏ដូចជាផ្សែងដុតក្រដាសចិនសែ ធ្វើយ៉ាងណាឱ្យពួកគាត់កាត់បន្ថយ ព្រោះបង្កគ្រោះថ្នាក់ដល់សុខភាពខ្លាំងណាស់៕ អត្ថបទ៖ រដ្ឋា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
