អន្ដរជាតិ៖ ក្រសួងការពារជាតិរុស្ស៊ី បាននិយាយនៅថ្ងៃអង្គារនេះថា យន្ដហោះផ្ទុកមីស៊ីលយុទ្ធសាស្រ្ដTu-95MSរបស់ខ្លួនចំនួន ០២គ្រឿង បានធ្វើការហោះហើរតាមទម្លាប់ពីលើសមុទ្រជប៉ុន។

យន្ដហោះប្រយុទ្ធSU-30 CM និងយន្ដហោះ SU-35 បានហោះអមដំណើរយន្ដហោះទំលាក់គ្រាប់បែក ០២គ្រឿង នៅក្នុងអំឡុងពេលហោះហើរ ៧ម៉ោង។

ក្រសួងការពារជាតិ ត្រូវបានគេស្រង់សម្ដី ខណៈនិយាយថាការហោះហើរនេះ ត្រូវបានធ្វើឡើងស្របទៅតាមច្បាប់អន្តរជាតិ និងនៅពីលើដែនទឹកអន្ដរជាតិ។

ការហោះហើរនេះ បានធ្វើឡើង​ពីរថ្ងៃ បន្ទាប់ពីទីបញ្ជាការប្រចាំតំបន់ឥណ្ឌូប៉ាស៊ីហ្វិក របស់អាមេរិក និងកងកម្លាំងស្វ័យការពាររបស់ជប៉ុន បានធ្វើសមយុទ្ធយន្ដហោះទម្លាក់គ្រាប់បែករួមគ្នា​ពីលើសមុទ្រជប៉ុន ហើយនិងស្របពេលមានដំណើរទស្សនកិច្ចរបស់នាយករដ្ឋមន្រ្ដីជប៉ុន លោក ហ្វូមីអូ ឃីស៊ីដាទៅកាន់ទីក្រុងគីវ ហើយមេដឹកនាំចិន ស៊ីជិមពីងទៅទស្សនកិច្ចក្រុងម៉ូស្គូ៕ អត្ថបទ៖ មករា ​