​ចិន៖ ក្រុម​អ្នកស្រាវជ្រាវ​បាន​និយាយ​ថា ទិន្នន័យ​កាលពី​ប៉ុន្មាន​ថ្ងៃ​ដំបូង​នៃ​ជំងឺ​រាតត្បាត COVID-19 ដែល​បង្ហោះ​យ៉ាង​ខ្លី​ទៅ​ក្នុង​ប្រព័ន្ធ​ចងក្រង​ទិន្នន័យ​សកល​ដោយ​ក្រុម​អ្នកវិទ្យាសាស្ត្រ​ចិន ផ្តល់​ព័ត៌មាន​សំខាន់ៗ​អំពី​ប្រភព​ដើម​នៃ​ការ​ផ្ទុះឡើង រួម​ទាំង​ទីផ្សារ​សត្វ​នៅ​ទីក្រុង​អ៊ូ​ហាន (Wuhan) ប្រទេស​ចិន​ផង​ដែរ​។​

​វីរុស​នេះ​ត្រូវ​បាន​រក​ឃើញ​ដំបូង​នៅ​ក្នុង​ទីក្រុង​អ៊ូ​ហាន​កាលពី​ខែ​ធ្នូ ​ឆ្នាំ​២០១៩ ស្រប​ពេល​មាន​មន្ទិល​ជាច្រើន​ថា ​មាន​ប្រភព​ចេញពី​ផ្សារ​លក់​សត្វ​រស់​ហួ​ណាន​ថា​ជា​ប្រភព​ដើម មុន​ពេល​ឆ្លង​រាត​ត្បាត​ជុំវិញ​ពិភពលោក និង​សម្លាប់​មនុស្ស​ជិត ​៧​លាន​នាក់​។ ​ក្រុម​អ្នក​វិទ្យាសាស្ត្រ​បាន​ចេញ​ផ្សាយ​របាយការណ៍​មុន​ពេល​បោះពុម្ព​ចេញផ្សាយ បាន​ផ្អែកលើ​ការ​បក​ប្រែ​នៃ​ទិន្នន័យ​កាលពី​ថ្ងៃ​ចន្ទ បន្ទាប់ពី​ការ​លេច​ធ្លាយ​នៅ​ក្នុង​សារព័ត៌មាន​កាលពី​សប្ដាហ៍​មុន និង​ជំនួប​ជាមួយ​អង្គការ​សុខភាព​ពិភពលោក ដែល​បាន​ជំរុញ​ឲ្យ​ប្រទេស​ចិន​បញ្ចេញ​ព័ត៌មាន​បន្ថែម​ទៀត​។

​ទិន្នន័យ​ពី​មជ្ឈមណ្ឌល​គ្រប់គ្រង និង​បង្ការ​ជំងឺឆ្លង​របស់​ចិន (CDC) លែង​មាន​នៅ​លើ​ប្រព័ន្ធ​ចងក្រង​ទិន្នន័យ​របស់ Global Initiative on Sharing Avian Influenza Data (GISAID) ដែល​អ្នកវិទ្យាសាស្ត្រ​បាន​រក​ឃើញ​នោះ​ទៅ​ហើយ​៕​

អត្ថបទ៖ សុខមាន