ភ្នំពេញ៖ នៅព្រឹកថ្ងៃ ២កើត ខែចេត្រ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី២៣ ខែមីនា ឆ្នាំ២០២៣ ឯកឧត្តម តាន់ បញ្ញាវុធ ត្រូវជាស្វាមី លោកស្រី កូវ សុវណ្ណារិទ្ធ ព្រមទាំងបុត្រ ត្រូវជាកូន និងចៅ សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងបុត្រ ត្រូវជាបង និងក្មួយ ឯកឧត្តម គ្រី ទូច និងលោកជំទាវ ទ្រី ង៉ូវណាំ ព្រមទាំងបុត្រ ត្រូវជាបង បងថ្លៃ និងក្មួយ លោកស្រី ប៊ុន សាមលេន និងលោក គីម ទូច ព្រមទាំងបុត្រ ត្រូវជាបង បងថ្លៃ និងក្មួយ ព្រមទាំងញាតិមិត្តជិតឆ្ងាយទាំងអស់បាន​ប្រារព្ធ​ពិធីបុណ្យទក្ខិណានុប្បទាន ដារពិស្តា ខួបគម្រប់ ១០០ថ្ងៃ ឧទ្ទិសមហាកុសលផលបុណ្យ ជូនដល់វិញ្ញាណក្ខន្ធ លោកជំទាវមហាសទ្ធាភិរ័ត្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា ហៅ ប៊ុន សាមហ៊ឹង បានធ្វើកិរិយាលាចាកលោកយើងនេះ ទៅកាន់លោកខាងមុខ គម្រប់១០០ថ្ងៃ នៅភូមិគ្រឹៈលេខ៦៦ ផ្លូវលេខ៥២៨ កែងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។

នៅក្នុងថ្ងៃទី២ នៃពិធីបុណ្យខួបគម្រប់១០០ថ្ងៃ សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញបូជាទៀនធូបផ្កាភ្ញីទឹកអប់ប្រេងម៉្សៅ ថ្វាយព្រះពុទ្ធរូប ដើម្បីសុំសេចក្តី​សុខសេចក្តីចំរើន ដើម្បីជាកិច្ចនៃការប្រារព្ធពិធីបុណ្យគម្រប់ខួប១០០ថ្ងៃ ដើម្បីឧទ្ទិសមហាកុសល​ជូនដល់វិញ្ញាណក្ខន្ធ លោកជំទាវ មហាសទ្ធាភិរ័ត្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ដែលបានធ្វើកម្មកិរិយាលាចាកលោកយើងនេះ ទៅកាន់លោកខាងមុខ ដោយរោគាពាធ។

នៅក្នុងពិធីតាមបែបសាសនានេះដែរ សម្តេចព្រះពោធិវ័ង្ស អំ លឹមហេង ព្រះសង្ឃនាយករងទី១ សម្តេចព្រះវ័នរ័ត ណយ ច្រឹក ព្រះសង្ឃនាយករងទី២ សម្តេចព្រះឧត្តមវង្សា មួង រ៉ា ព្រះសង្ឃនាយករងទី៣ នៃព្រះរាជាណាចក្រកម្ពុជា សម្តេចព្រះធម្មលិខិត សម្តេចព្រះឧត្តមបញ្ញា សម្តេចព្រះឧត្តមចរិយា សម្តេចព្រះឧត្តមមុនី សម្តេចព្រះពុទ្ធជ័យមុនី ព្រះរាជាគណៈ៩អង្គ ចម្រើននូវ​ព្រះសត្តប្បករណាភិធម្ម ដារបង្សុកូល វេរភត្តាហារ ថ្វាយនិងប្រគេនសម្តេចព្រះសង្ឃនាយករង សម្តេចព្រះរាជាគណៈ ៩អង្គ និងនិមន្តព្រះរាជាគណៈ មន្រ្តីសង្ឃ ចំនួន ៦៧អង្គ គោចរបិណ្ឌបាត្រ ក្នុងពិធីបុណ្យគម្រប់ខួប១០០ថ្ងៃ ដើម្បីឧទ្ទិសនូវមហាកុសលដ៏ខ្ពង់ខ្ពស់នេះ ជូនចំពោះបដិសន្ធិវិញ្ញាណ លោកជំទាវ មហាសទ្ធាភិរ័ត្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា ហៅប៊ុន សាមហ៊ឹង ទទួលនូវមហាកុសលដ៏ខ្ពង់ខ្ពស់ ពីឯកឧត្តម តាន់ បញ្ញាវុធ ត្រូវជាស្វាមី លោកស្រី កូវ សុវណ្ណារិទ្ធ ព្រមទាំងបុត្រ ត្រូវជាកូន និងចៅ ជាពិសេសសម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងបុត្រ ត្រូវជាបង និងក្មួយ ឯកឧត្តម គ្រី ទូច និងលោកជំទាវ ទ្រី ង៉ូវណាំ ព្រមទាំងបុត្រ ត្រូវជាបង បងថ្លៃ និងក្មួយ លោកស្រី ប៊ុន សាមលេន និងលោក គីម ទូច ព្រមទាំងបុត្រ ត្រូវជាបង បងថ្លៃ និងក្មួយ ព្រមទាំងញាតិមិត្តជិតឆ្ងាយទាំងអស់ សូមដួងវិញ្ញាណក្ខន្ធលោកជំទាវ មហាសទ្ធាភិរ័ត្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍ ប៊ុន សុថា៕